ತಾರಾಗಣ: ಶಿವರಾಜ್ ಕುಮಾರ್, ಸುರ್ವೀನ್ ಚಾವ್ಲಾ, ಸೋನು
ಸಂಗೀತ: ವಿ.ಹರಿಕೃಷ್ಣ
ಸಾಹಿತ್ಯ: ಕವಿರಾಜ್, ವಿ. ನಾಗೇಂದ್ರ ಪ್ರಸಾದ್
ನಿರ್ದೇಶನ: ಮಹೇಶ್ ಬಾಬು
ನಿರ್ಮಾಪಕ: ಆದಿತ್ಯ ಬಾಬು
ಆಡಿಯೋ ಸಂಸ್ಥೆ: ಅಶ್ವಿನಿ ಆಡಿಯೋ
| ದಿಲ್ ಧಡಕ್ ಧಡಕ್ |
ಸೋನು ನಿಗಂ, ಅನುರಾಧಾ ಭಟ್
|
ಅಚ್ಚ ಕನ್ನಡತಿ ಮಂಗಳೂರಿನ ಅನುರಾಧಾ ಭಟ್ ಮೊದಲ ಬಾರಿಗೆ ಸೋನು ನಿಗಂ ಜೊತೆ ಹಾಡಿರುವ ಈ ಯುಗಳ ಗೀತೆ ಕೇಳಲು ಇಂಪಾಗಿದೆ. ಸೋನುವಿಗೆ ಸರಿಯಾಟಿಯಾಗಿ ಹಾಡಿದ್ದಾಳೆ ನಮ್ಮ ಕನ್ನಡತಿ ಅನುರಾಧಾ! ಈಕೆ ಈ ಟಿವಿ ಕನ್ನಡದ "ಎದೆ ತುಂಬಿ ಹಾಡುವೆನು" ಪ್ರತಿಭೆ! | 8.5/10 |
| ಮದ್ರಾಸು ಐಸಾ ಪರಮೇಶಾ | ಶಂಕರ್ ಮಹದೇವನ್ | Title track. ಪಾನವಾಲ ಪರಮೇಶಿಯನ್ನು ಹಾಡಿ ಹೊಗಳುವ ಗೀತೆ. ಮಾಸ್ಗೆ ಇಷ್ಟವಾಗಬಹುದು. | 7/10 |
| ಸಾವಿರ ಸಾವಿರ ಜನ್ಮ ಸಾಲದು ಸಾಲದು ಬ್ರಹ್ಮ | ಕುನಾಲ್ ಗಂಜಾವಾಲ,ಶ್ರಾವ್ಯ | ಅಣ್ಣ-ತಂಗಿಯರ ನಡುವಣ ಹಾಡು. ಹಾಗಂತ ಮಾಮೂಲಿ ಜೋ ಜೋ ಲಾಲಿ ಮಾದರಿಯ ಹಾಡಲ್ಲ! ಸ್ವಲ್ಪ ಲಯಪ್ರಧಾನ ಫಾಸ್ಟ್ ನಂಬರ್. ಇನ್ನೂ ಚೆನ್ನಾಗಿ ಮಾಡ ಬಹುದಿತ್ತು! | 6/10 |
| ಸುಮ್ ಸುಮ್ನೆ | ಎಸ್.ಪಿ.ಬಾಲಸುಬ್ರಹ್ಮಣ್ಯಂ,ಶಮಿತಾ ಮಲ್ನಾಡ್ |
ಎಸ್.ಪಿ.ಬಿ. ಹಾಡಿದ್ದಾರೆಂಬುದೊಂದು ವಿಚಾರ ಬಿಟ್ಟರೆ ಮತ್ತೇನೂ ಇಲ್ಲ ಈ ಹಾಡಲ್ಲಿ. ಉಮ್ಮಾ, ಚುಮ್ಮಾ , ಗಿಲ್ಲು, ತೀಟೆ ಮುಂತಾದ ಪದಗಳೇ ರಾರಾಜಿಸುವ ಗೀತ ಸಾಹಿತ್ಯ! ನಾಗೇಂದ್ರ ಪ್ರಸಾದ್ ಸ್ವ ಪ್ರೇರಣೇಯೋ ಅಥವಾ ನಿರ್ದೇಶಕರೇ ಹೇಳಿ ಬರೆಸಿಕೊಂಡ ಹಾಡೋ ಗೊತ್ತಿಲ್ಲ. ಯಾವ ಕೋನದಿಂದ ನೋಡಿದರೂ ಗಮನ ಸೆಳೆಯದ ಹಾಡು! ಈ ಹಾಡಿಗೆ ಎಸ್.ಪಿ.ಬಿ. ಅಂತಹ ಹಿರಿಯ ಗಾಯಕರ ಅಗತ್ಯವಿತ್ತಾ? |
4/10 |
| ತುಂಟ ರಾಮ,ವೆಲ್ ಕಂ ಪುಟ್ಟ ರಾಮ ವೆಲ್ ಕಂ | ಉದಿತ್ ನಾರಾಯಣ, ಚಿತ್ರಾ | ಸೀಮಂತದ ಹಾಡು. ಬರಲಿರುವ ಪುಟ್ಟ ಮಗುವನ್ನು ಸ್ವಾಗತಿಸುವ ಸಾಹಿತ್ಯ ಪರವಾಗಿಲ್ಲ.ಆದರೆ ಸಂಗೀತದಲ್ಲಿ ಅಂತಹ ವಿಶೇಷವೇನೂ ಇಲ್ಲ.ಈಗಾಗಲೇ ಬಂದಿರುವ ಹಲವಾರುಈ ರೀತಿಯ ಹಾಡುಗಳ ಸಾಲಿಗೆ ಹತ್ತರ ಜೊತೆ ಹನ್ನೊಂದರ ಸೇರ್ಪಡೆ ಅಷ್ಟೇ! | 6/10 |
ಸಧ್ಯದ ಮಟ್ಟಿಗೆ ಕನ್ನಡದ ಅತ್ಯಂತ ಬೇಡಿಕೆಯ ಸಂಗೀತ ನಿರ್ದೇಶಕ ಹರಿಕೃಷ್ಣ ಮೊದಲ ಬಾರಿಗೆ ಶಿವರಾಜ್ ಕುಮಾರ್ ಚಿತ್ರವೊಂದಕ್ಕೆ ಸಂಗೀತ ಸಂಯೋಜಿಸಿದ್ದಾರೆಂಬುದೊಂದೇ ಹೆಗ್ಗಳಿಕೆ. ಚಿತ್ರದ ಹಾಡುಗಳು ಮಾತ್ರ ಆ ಮಟ್ಟದಲ್ಲಿಲ್ಲ! ಜೊತೆ ಜೊತೆಯಲಿ, ಗಜ, ಗಾಳಿಪಟ, ಪಯಣ ಚಿತ್ರಗಳಿಗೆ ಸಂಗೀತ ನೀಡಿರುವುದು ಇದೇ ಹರಿಕೃಷ್ಣ ಅವರಾ ಎಂಬ ಅನುಮಾನ ಬಂದರೆ ಆಶ್ಚರ್ಯವಿಲ್ಲ. ಒಂದೇ ಮಾತಿನಲ್ಲಿ ಹೇಳುವುದಾದರೆ ಇದೊಂದು ಮಾಮೂಲಿನಲ್ಲಿ ಮಾಮೂಲಿ ಅಲ್ಬಂ.