ಈ ವಾರ ಗಣೇಶ್-ರಮ್ಯಾ ಅಭಿನಯದ ಬೊಂಬಾಟ್ ತೆರೆಗೆ!

ಆಗಸ್ಟ್ 8 ರಿಂದ 14 ರ ವರೆಗೆ

ಬೊಂಬಾಟ್ ಬೆಳ್ಳಿ ತೆರೆಗೆ! ಪ್ರಮುಖ ಚಿತ್ರಮಂದಿರ: ಕಪಾಲಿ

bombat

ಈ ವಾರ ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆ ಮೊದಲ ಬಾರಿಗೆ ರಮ್ಯಾ ನಟಿಸಿರುವ ಬಹು ನಿರೀಕ್ಷಿತ "ಬೊಂಬಾಟ್" ಚಿತ್ರ ರಾಜ್ಯಾದ್ಯಂತ 75ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ಏಕ ಕಾಲಕ್ಕೆ ತೆರೆಕಾಣುತ್ತಿದೆ. ಬೆಂಗಳೂರು ನಗರದಲ್ಲೇ ಮೂವತ್ತಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆಕಾಣುತ್ತಿರುವುದು ವಿಶೇಷ.

bom

ರಾಜ್ಯದ ಅತೀ ದೊಡ್ಡ ಚಿತ್ರಮಂದಿರ ಕಪಾಲಿಯಲ್ಲಿ ಚಿತ್ರ ತೆರೆಕಾಣುತ್ತಿದೆ! ಮುಂಗಾರು ಮಳೆ ಮತ್ತು ಚೆಲುವಿನ ಚಿತ್ತಾರದ ನಂತರ ಮತ್ತೊಮ್ಮೆ ಗಣೇಶ್ ಚಿತ್ರಕ್ಕೆ ಮನೋಮೂರ್ತಿ ಸಂಗೀತ ಸಂಯೋಜಿಸಿದ್ದಾರೆ. ಮುಂಗಾರು ಮಳೆ, ಚೆಲುವಿನ ಚಿತ್ತಾರ ಎರಡೂ ಸೂಪರ್ ಹಿಟ್ ಆಗಿದ್ದವು. ಈಗ ಬೊಂಬಾಟ್ ಚಿತ್ರವನ್ನು ಪ್ರೇಕ್ಷಕ ಮಹಾಪ್ರಭು ಹೇಗೆ ಸ್ವೀಕರಿಸಲಿದ್ದಾನೆ ಎಂಬುದು ಸಧ್ಯಕ್ಕೆ ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ.

ಚಿತ್ರದ ನಿರ್ಮಾಪಕರು ರಾಕ್ ಲೈನ್ ವೆಂಕಟೇಶ್. ಬಿಂದಾಸ್ ನಂತರ 2008 ರಲ್ಲಿ ಡಿ.ರಾಜೇಂದ್ರ ಬಾಬು ನಿರ್ದೇಶನದ ಎರಡನೇ ಚಿತ್ರ ತೆರೆಕಾಣುತ್ತಿದೆ. ಚಿತ್ರದ ಹಾಡುಗಳು ಈಗಾಗಲೇ ಹಿಟ್ ಆಗಿರುವುದು ಚಿತ್ರಕ್ಕೆ ಉತ್ತಮ ಆರಂಭವನ್ನು ತಂದುಕೊಡುವ ನಿರೀಕ್ಷೆಯಿದೆ.

ವಾರದ ಮತ್ತೊಂದು ಬಿಡುಗಡೆ - ಕಲ್ಲೇಶಿ ಮಲ್ಲೇಶಿ. ಪ್ರಮುಖ ಚಿತ್ರಮಂದಿರ: ಸಪ್ನ

ಪಾಪಾ ಪಾಂಡು ಟಿವಿ ಧಾರಾವಾಹಿಯಿಂದ ಜನಪ್ರಿಯವಾಗಿರುವ ಚಿದಾನಂದ್ ತ್ರಿಪಾತ್ರದಲ್ಲಿ ನಟಿಸಿರುವ ಕಲ್ಲೇಶಿ ಮಲ್ಲೇಶಿ ಈ ವಾರ ಸಪ್ನಾದಲ್ಲಿ ತೆರೆಕಾಣುತ್ತಿದೆ. ಮಸ್ತಾನ್ ಈ ಚಿತ್ರದ ನಿರ್ದೇಶಕರು. ಧರ್ಮ, ಬುಲೆಟ್ ಪ್ರಕಾಶ್, ಟೆನ್ನಿಸ್ ಕೃಷ್ಣ, ಲಕ್ಷ್ಮೀ ದೇವಿ ಚಿತ್ರದ ಇತರ ತಾರಾಗಣದಲ್ಲಿದ್ದಾರೆ.

ಗಂಧದಗುಡಿ ಬೊಂಬಾಟ್ ಮತ್ತು ಕಲ್ಲೇಶಿ ಮಲ್ಲೇಶಿ ಚಿತ್ರಗಳಿಗೆ ಶುಭ ಹಾರೈಸುತ್ತದೆ.