ದಿಗಂತ್, ನಿಧಿ ಸುಬ್ಬಯ್ಯ, ಅನಂತ್ ನಾಗ್, ಪ್ರಿಯಾಂಕಾ ಉಪೇಂದ್ರ
ಸಂಗೀತ – ಮನೋಮೂರ್ತಿ
ನಿರ್ಮಾಣ-ಯೋಗರಾಜ್ ಮೂವೀಸ್ (ಯೋಗರಾಜ್ ಭಟ್, ಸುಬ್ರಹ್ಮಣ್ಯ MK)
ಸಾಹಿತ್ಯ – ಯೋಗರಾಜ ಭಟ್, ಜಯಂತ್ ಕಾಯ್ಕಿಣಿ

ಕಥೆ-ಚಿತ್ರಕಥೆ-ಸಂಭಾಷಣೆ-ನಿರ್ದೇಶನ -ಯೋಗರಾಜ್ ಭಟ್

ಯೋಗರಾಜ್ ಭಟ್ - ಇದೊಂದೇ ಹೆಸರು ಸಾಕು ಜನರನ್ನು ಚಿತ್ರಮಂದಿರದತ್ತ ಎಳೆದು ತರಲು! ಮುಂಗಾರು ಮಳೆಯ ಮಾಂತ್ರಿಕ, ಗಾಳಿ ಪಟದ ಸೂತ್ರದಾರ, ಮನಸಾರೆಯ ಮಾಟಗಾರ ಯೋಗರಾಜ್ ಭಟ್ರು ಲೈಫು ಇಷ್ಟೇನೇ ಪೊಂ ಪೊಂ ಪೊಂ ಅಂತ ಹಾಡ್ತಾ ಬರ್ತಿದಾರೆ. ಭಟ್ರ ಅಚ್ಚು ಮೆಚ್ಚಿನ ನಟ ದಿಗಂತ್ ನಾಯಕನಾಗಿದ್ರೆ ಈ ಬಾರಿ ಭಟ್ರ ಗರಡಿಗೆ ಸೇರ್ಪಡೆಯಾದಾಕೆ ನಿಧಿ ಸುಬ್ಬಯ್ಯ! ಈಗಾಗಲೇ ಲೈಫು ಇಷ್ಟೇನೇ ಹಾಡುಗಳು ಎಷ್ಟು ಜನಪ್ರಿಯವಾಗಿವೆ ಅಂದರೆ ಜನ ಈ ಹಾಡಿನ ಸಾಲುಗಳನ್ನೇ ಫೇಸ್ ಬುಕ್, ಟ್ವಿಟ್ಟರ್ ನಂತಹ ಸಾಮಾಜಿಕ ತಾಣಗಳಲ್ಲಿ ಯಥೇಚ್ಛವಾಗಿ ಬಳಸಿಕೊಳ್ಳುತ್ತಿದ್ದಾರೆ! SMS ಗಳಲ್ಲೂ ಹಾಡಿನ ಸಾಲುಗಳು ಹರಿದಾಡುತ್ತಿವೆ. ಎಫ್.ಎಂ ವಾಹಿನಿಗಳಿಗಂತೂ ಈ ಹಾಡು ಹಾಟ್ ಹಾಟ್ ಫೇವರೆಟ್.

ಚಿತ್ರದಲ್ಲಿ ಲೈಫ್ ಇಷ್ಟೇನೇ ಜೊತೆಗೆ ಭಟ್ಟರ ಚಿತ್ರದ ಸಾಂಪ್ರದಾಯಿಕ ಗಾಯಕ ಸೋನು ನಿಗಂ ಹಾಡಿರುವ ಸುಮಧುರವಾದ “ಉಡಿಸುವೆ ಬೆಳಕಿನ ಸೀರೆಯ” ಕೂಡ ಇದೆ! ಇದಕ್ಕೆ ಜಯಂತ್ ಕಾಯ್ಕಿಣಿ ಸಾಹಿತ್ಯ ಬರೆದಿದ್ದಾರೆ. ಮನೋಮೂರ್ತಿ ಚಿತ್ರಕ್ಕೆ ಅದ್ಭುತವಾದ ಸಂಗೀತವನ್ನು ಕೊಟ್ಟಿದ್ದಾರೆ. ಭಟ್ಟರ ಸಿನೆಮಾ ಬಿಡುಗಡೆ ಅಂದ್ರೆ ಚಿತ್ರ ಪ್ರಿಯರಿಗೆ ಹಬ್ಬದ ಸಂಭ್ರಮ. ಈ ವರ್ಷದ ಅತ್ಯಂತ ನಿರೀಕ್ಷಿತ ಚಿತ್ರ “ಪಂಚರಂಗಿ” ಗೆ ವೇದಿಕೆ ಸಿದ್ಧವಾಗಿದೆ.

ಪಂಚರಂಗಿಯ ಸ್ವಾಗತಕ್ಕೆ ನಿಮ್ಮ ಗಂಧದಗುಡಿ ಕೂಡ ಸಕಲ ಸನ್ನದ್ಧವಾಗಿದ್ದು Mega Live Report ಕೂಡ ಮಾಡಲಾಗುತ್ತಿದೆ. ಇದೇ ಮೊದಲ ಬಾರಿಗೆ SMS ಮೂಲಕ ಕೂಡ ಚಿತ್ರದ ಬಗ್ಗೆ ತಾಜಾ ವರದಿ ಪಡೆಯಬಹುದು! ಇದೇ ಶುಕ್ರವಾರ ಬೆಳಿಗ್ಗೆ 10 ರಿಂದ!

Live Report ಗಾಗಿ ಇಲ್ಲಿ ಕ್ಲಿಕಿಸಿ.

ದುನಿಯಾ ವಿಜಿ ಈ ಬಾರಿ ಮಾನಸಿಕ ರೋಗಿಯಾಗಿ ವಿಭಿನ್ನ ಪಾತ್ರದಲ್ಲಿ ನಟಿಸಿದ್ದಾರೆ. ಹಾಗಂತ ಇಲ್ಲಿ ಆಕ್ಷನ್ ಸನ್ನಿವೇಶಗಳಿಗೇನೂ ಕಮ್ಮಿ ಇಲ್ಲ! ಜೊತೆಗೆ ಸಾಕಷ್ಟು ಸೆಂಟಿಮೆಂಟ್ ಕೂಡ ಇದೆ. ಚಿತ್ರದಲ್ಲಿ ವಿಜಯ್ “ಇಡ್ಲಿ ವಡೆ ಸಾಂಭಾರ್” ಅಂತ ಹಾಡು ಕೂಡ ಹಾಡಿದ್ದಾರೆ. ಶರ್ಮಿಳಾ ಮಾಂಡ್ರೆ ಹಳ್ಳಿ ಹುಡುಗಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ, ಎದ್ದೇಳು ಮಂಜುನಾಥ್ದಲ್ಲಿ ಸಾಧ್ವೀಮಣಿಯಾಗಿದ್ದ ಯಜ್ಞಾ ಶೆಟ್ಟಿಗೆ ಇಲ್ಲಿ ತದ್ವಿರುದ್ಧವಾದ ಪ್ಯಾಟೆ ಹುಡುಗಿ ಪಾತ್ರ! ಪ್ಯಾಟಿ ಹುಡುಗಿ, ಹಳ್ಳಿ ಹುಡ್ಗೀರ ಮಧ್ಯೆ ನಂ ವಿಜಿ ಒದ್ದಾಡಬೇಕು ಪಾಪ!

ಚಿತ್ರಕ್ಕೆ ಸಾಧು ಕೋಕಿಲ ಸಂಗೀತ ನೀಡಿದ್ದಾರೆ ಥ್ರಿಲ್ಲರ್ ಮಂಜು ಮತ್ತು ಡಿಫರೆಂಟ್ ಡ್ಯಾನಿ ಸಾಹಸ ನಿರ್ದೇಶಿಸಿದ್ದಾರೆ. ಗಜ, ರಾಮ್ ಚಿತ್ರಗಳ ನಿರ್ದೇಶಕ ಕೆ.ಮಾದೇಶ್ ಚಿತ್ರದ ನಿರ್ದೇಶಕರು!

ವಿನೋದ್ ಆಳ್ವಾ ನಟನೆಯ ಸಸ್ಪೆನ್ಸ್ – ಹಾರರ್ – ಥ್ರಿಲ್ಲರ್ ಚಿತ್ರ “ಒಂಟಿ ಮನೆ” ಈ ವಾರ ತೆರೆಗೆ ಬರುತ್ತಿದೆ. ನಾಯಕ ಬಿಟ್ಟರೆ ಬಹುತೇಕ ಎಲ್ಲರೂ ಹೊಸಬರು.

ದರ್ಶನ್ ಅಭಿನಯದ ಶೌರ್ಯ ಚಿತ್ರ ಎರಡನೇ ವಾರದಲ್ಲೂ ಉತ್ತಮ ಪ್ರದರ್ಶನ ಕಂಡಿದೆ. ತೀವ್ರ ಮಳೆಯ ಮಧ್ಯೆಯೂ ಚಿತ್ರ ಹಲವಾರು ಕೇಂದ್ರಗಳಲ್ಲಿ ಹೌಸ್ ಫುಲ್ ಪ್ರದರ್ಶನ ಕಂಡಿದೆ. ಆದರೆ ಚಿತ್ರ ಈ ವಾರ ಕರಿ ಚಿರತೆ, ಪಂಚರಂಗಿ ಚಿತ್ರಗಳು ಬರುತ್ತಿರುಅ ಹಿನ್ನೆಲೆಯಲ್ಲಿ ಕೆಲವು ಚಿತ್ರಮಂದಿರಗಳನ್ನು ಕಳೇದುಕೊಳ್ಳುತ್ತಿದ್ದು ಮುಂದೆ ಹೇಗಾಗುತ್ತದೆ ಕಾದು ನೋಡಬೇಕು. ಇಲ್ಲಿಯ ತನಕ ಚಿತ್ರದ ಪ್ರದರ್ಶನ ಉತ್ತಮ!

ಚಿತ್ರ ಮೂರನೇ ವಾರಕ್ಕೆ ಕಾಲಿಡುತ್ತಿದೆ.

3ನೇ ವಾರ – ಸಂತೋಷ್

Box Office Status:SUCCESSFUL SECOND WEEK

ಚಿತ್ರ ಮೂರನೇ ವಾರದಲ್ಲಿ ಕಳಪೆ ಪ್ರದರ್ಶನ ಕಂಡಿದೆ. ಬಹುತೇಕ ಎಲ್ಲ ಚಿತ್ರ ಮಂದಿರಗಳಿಂದ ಹೊರ ನಡೆಯುತ್ತಿದೆ. ಮೈಸೂರು ಸೇರಿದಂತೆ ಪ್ರಮುಖ ಕೇಂದ್ರಗಳನ್ನು ಕಳೆದುಕೊಂಡು ಸಂಕಷ್ಟದಲ್ಲಿದೆ.

ಮಾಸ್ ಚಿತ್ರಗಳನ್ನು ಇಷ್ತಪಡುವವರಿಗೆ ಚಿತ್ರ ಇಷ್ಟವಾಗಿದೆ. ಚಿತ್ರದ ತಾಂತ್ರಿಕ ಅಂಶಗಳು ಅದರಲ್ಲೂ ಸಂಕಲನ ತುಂಬ ಚೆನ್ನಾಗಿ ಬಂದಿದೆ ಎಂದು ಎಲ್ಲರೂ ಅಭಿಪ್ರಾಯಪಟ್ಟಿದ್ದಾರೆ. ಆದರೆ ಚಿತ್ರದಲ್ಲಿ ಹಿಂಸೆಯನ್ನು ಹೆಚ್ಚಾಗಿ ತೋರಿಸಿದ್ದಾರೆಂಬ ಆರೋಪವೂ ಇದೆ.

ಚಿತ್ರ ಭೂಮಿಕಾದಲ್ಲಿ ನಾಲ್ಕನೇ ವಾರಕ್ಕೆ ಕಾಲಿಟ್ಟಿದೆ.

4 ನೇ ವಾರ – ಭೂಮಿಕಾ

Box Office Status: POOR THIRD WEEK.

ಇದು ಚಿತ್ರಕ್ಕೆ ಕೊನೆಯ ವಾರ. ಬರುವ ವಾರ ಗಣೇಶ್ ನಟನೆಯ ಏನೋ ಒಂಥರಾ ನರ್ತಕಿಗೆ ಬರುತ್ತಿದೆ. ಚಿತ್ರ ಎಲ್ಲರ ನಿರೀಕ್ಷೆ ಆಶಯಗಳನ್ನು ಹುಸಿ ಮಾಡಿ ಸೋಲನ್ನು ಕಂಡಿದೆ. ದೊಡ್ಡ ಬಜೆಟ್ ನ ಚಿತ್ರ ನಿರ್ಮಾಪಕರಿಗೆ ದೊಡ್ಡ ಮಟ್ಟದ ನಷ್ಟವನ್ನೇ ಮಾಡಿದೆ.

5ನೇ ವಾರ – ನರ್ತಕಿ

Box Office Status: FLOP!

ಹುಂಜ

ತ್ರಿವೇಣಿಯಿಂದ ಹೊರಕ್ಕೆ. ಒಟ್ಟು ಪ್ರದರ್ಶನ -1 ವಾರ

Box Office Status: DISASTER

ಪ್ರೀತಿ ಹಂಗಾಮ

ಚಿತ್ರ ಒಂದೇ ವಾರಕ್ಕೆ ಅಪರ್ಣಾದಿಂದ ಹೊರ ನಡೆಯುತ್ತಿದೆ. ಒಟ್ಟು ಪ್ರದರ್ಶನ 1 ವಾರ.

Box Office Status: DISASTER

• ಏನೋ ಒಂಥರಾ- ಸೆಪ್ಟೆಂಬರ್ 10: ನರ್ತಕಿ
• ನಂಜನ ಗೂಡು ನಂಜುಂಡ – ಸಪ್ಟೆಂಬರ್ 10
• ಗಾನ ಭಜಾನ

- Akumar

“ಪ್ರತಿವಾದಿ ಭಯಂಕರ ಶ್ರೀನಿವಾಸ” - ಗಾಯಕ ಮತ್ತು ಸ್ವತಃ ಕವಿಯಾದ ಪಿ.ಬಿ.ಎಸ್ ಕನ್ನಡ, ತೆಲುಗು , ಉರ್ದು ಭಾಷೆಗಳಲ್ಲಿ ಕವನಗಳನ್ನು ರಚಿಸಿದ್ದಾರೆ/ಹಾಡಿದ್ದಾರೆ. ಕನ್ನಡ ಚಿತ್ರರಂಗದ ಬಾನಂಗಳದಲ್ಲಿ ಅವರ ಗಾಯನ ಸದಾ ಅಮರ. ಶರೀರ-ಶಾರೀರದಂತಿದ್ದ ಡಾ.ರಾಜ-ಪಿ.ಬಿ.ಎಸ್ ಜೋಡಿಯನ್ನು ಕನ್ನಡ ಚಿತ್ರರಸಿಕರು ಎಂದೂ ಮರೆಯುವುದಿಲ್ಲ. . ಈ ಜೋಡಿಯ ಗೀತೆಗಳನ್ನು ಪಟ್ಟಿ ಮಾಡುತ್ತ ಹೋದರೆ ದೊಡ್ಡ ಪಟ್ಟಿಯಾಗುತ್ತದೆ. ಈ ಸಂಚಿಕೆಯಲ್ಲಿ ಈ ಜೋಡಿಯ ಹತ್ತು ಸುಮಧುರ ಗೀತಗಳ ಗುಚ್ಛ.

೧) ಬಾಗಿಲನು ತೆರೆದು, ಚಿತ್ರ : ಭಕ್ತ ಕನಕದಾಸ, ಸಂಗೀತ : ವೆಂಕಟರಾಜು, ರಚನೆ : ಕನಕದಾಸರು

ಭಕ್ತಿಗೀತೆಗಳ ಅಭಿನಯದಲ್ಲಿ ಡಾ.ರಾಜಗೆ ಅವರೇ ಸಾಟಿ ಎನ್ನುವುದನ್ನು ನಿರೂಪಿಸುವ ಗೀತೆ. ಉಡುಪಿ ಕೃಷ್ಣನನ್ನು ಕಾಣಲಾಗದೇ ಪರಿತಪಿಸುವ ಕನಕದಾಸರ ವಿರಿಚಿತ ಗೀತೆ. ಭಕ್ತನನ್ನು ಅನುಗ್ರಹಿಸಿ ಆತನಿಗೆ ದರುಶನ ನೀಡಲು ತಾನು ನಿಂತಿದ್ದ ದಿಕ್ಕನ್ನು ಬದಲಿಸಿದ ಭಗವಂತ. ಈ ಚಿತ್ರದ ಎಲ್ಲ ಗೀತೆಗಳು ಅಜರಾಮರ – “ಈತನೀಗ ವಾಸುದೇವನು”, “ಕುಲ ಕುಲವೆಂದು”.

೨) ಒಲುಮೆಯ ಹೂವೇ - ಚಿತ್ರ : ಪುರ್ನಜನ್ಮ , ಸಂಗೀತ : ದುಲಾಲ್ ಸೇನ್, ರಚನೆ : ಆರ.ಎನ.ಜಯಗೋಪಾಲ್

ಕನ್ನಡ ಚಿತ್ರರಂಗ ಕಂಡ ಅತ್ಯಂತ ಶ್ರೇಷ್ಟ ಶೋಕ ಗೀತೆಗಳ ಸಾಲಿನಲ್ಲಿ ಈ ಗೀತೆಗೆ ಅಗ್ರಸ್ಥಾನ. ಪಿ. ಬಿ. ಎಸ್. ಅವರ ಭಾವಪೂರ್ಣ ಗಾಯನ ಮತ್ತು ಆರ್. ಎನ್. ಜಿ ಅವರ ಸಾಹಿತ್ಯ ಸುಂದರವಾಗಿ ಮಿಳಿತಗೊಂಡಿದ.

 ೩) ಹಾಡೊಂದ ಹಾಡುವೆ, ಚಿತ್ರ : ನಾಂದಿ, ಸಂಗೀತ : ವಿಜಯಭಾಸ್ಕರ್ , ರಚನೆ : ಆರ.ಎನ.ಜಯಗೋಪಾಲ್

ಕನ್ನಡ ಕಂಡ ಅತ್ಯಮೋಘ ಲಾಲಿ ಹಾಡು. ಅದರಲ್ಲೂ ನೋವು ಮಿಶ್ರಿತ ಗೀತೆ , ಇಲ್ಲಿ ಹೆಚ್ಚು ವಾದ್ಯಗಳ ಬಳಕೆಯಿಲ್ಲ. ಆದ್ದರಿಂದ ಗಾಯಕ ಸಣ್ಣ ತಪ್ಪು ಮಾಡಿದರೂ ಎದ್ದು ಕಾಣುವಂಥ ಪರಿಸ್ಥಿತಿ. ಪಿ.ಬಿ.ಎಸ್ ಅವರ ಕಂಠ ಅಮೋಘ. ಹಾಡಲು ಬಹಳ ಕ್ಲಿಷ್ಟವಾದ ಗೀತೆ. ಹಾಡಿನ ಆರಂಭದಲ್ಲಿ ಬರುವ ಆಲಾಪನೆ ಸುಮಧುರ.

೪) ಮಾನವ ದೇಹವು , ಚಿತ್ರ : ಭಕ್ತ ಕುಂಬಾರ , ಸಂಗೀತ : ಜಿ. ಕೆ. ವೆಂಕಟೇಶ , ರಚನೆ : ಹುಣಸೂರು ಕೃಷ್ಣಮೂರ್ತಿ

ಈ ಹಾಡಿನ ರಚನೆಯ ಹಿನ್ನಲೆ ಅನೇಕರಿಗೆ ತಿಳಿದಿದ್ದರೂ ಮತ್ತೊಮ್ಮೆ ಹೇಳಲೇಬೇಕು. ಹುಣಸೂರರು ಗೀತ ರಚನೆಗೆ ಕುಳಿತಾಗ ಅವರ cigaratte ನಿಂದ ಬೆಂಕಿಯ ಕಿಡಿಯೊಂದು ಅವರ ಕೈಮೇಲೆ ಬಿದ್ದು ಅವರ ಕೈ ಸುಟ್ಟಿತಂತೆ. ಈ ಘಟನೆಯೇ ಈ ಅದ್ಭುತ ಗೀತೆಯ ರಚನೆಗೆ ನಾಂದಿಯಾಯಿತು. “ಬರುವಾಗ ಬೆತ್ತಲೆ, ಹೋಗುವಾಗ ಬೆತ್ತಲೆ, ಬಂದು ಹೋಗುವ ನಡುವೆ ಬರಿ ಕತ್ತಲೆ“, “ಉಸಿರಾಡುವ ತನಕ ನಾನು ನನದೆಂಬ ಮಮಕಾರ, ನಿಂತ ಮರುಘಳಿಗೆ ಮಸಣದೇ ಸಂಸ್ಕಾರ” – ಕನ್ನಡ ಚಿತ್ರಗೀತೆಯ ಇತಿಹಾಸದಲ್ಲಿ ಈ ಹಾಡಿನ ಸಾಹಿತ್ಯ ಎಂದಿಗೂ ಅಜರಾಮರ. ರಾಜ್ ಅಭಿನಯ, ಪಿ. ಬಿ. ಎಸ್. ಗಾಯನ , ಜಿ. ಕೆ. ವಿ. ಸಂಗೀತ ಈ ಹಾಡನ್ನು ಚಿರನೂತನವಾಗಿಸಿದೆ. ಈ ಚಿತ್ರದಲ್ಲಿರು ಎಲ್ಲ ಹಾಡುಗಳು ನಿತ್ಯನೂತನ – “ಕಂಡೆ ಹರಿಯ ಕಂಡೆ”, “ಹರಿ ನಾಮವೆ ಚಂದ”, “ಎಲ್ಲಿ ಮರೆಯಾದೆ”.

೫) ಆಡಿಸಿ ನೋಡು , ಚಿತ್ರ : ಕಸ್ತೂರಿ ನಿವಾಸ , ಸಂಗೀತ : ಜಿ. ಕೆ. ವೆಂಕಟೇಶ , ಸಾಹಿತಿ : ಚಿ. ಉದಯಶಂಕರ

ಸರಳವಾದರೂ ಅರ್ಥರ್ಗಭಿತ ಸಾಹಿತ್ಯ ಎಂಥ ಪರಿಣಾಮ ಬೀರಬಹುದು ಎಂಬುದಕ್ಕೆ ಈ ಗೀತೆಯೆ ಸಾಕ್ಷಿ. “ಮೈಯನೆ ಹಿಂಡಿ ನೊಂದರು ಕಬ್ಬು ಸಿಹಿಯ ಕೊಡುವುದು“, “ಗುಡಿಸಲೆ ಆಗಲಿ ಅರಮನೆಯಾಗಲಿ ಆಟ ನಿಲ್ಲದು” – ಉದಯಶಂಕರ ಎಂಬ ದೈತ್ಯ ಪ್ರತಿಭೆ ಕನ್ನಡ ಚಿತ್ರರಂಗದ ಆಧಾರಸ್ತಂಭಗಳಲ್ಲಿ ಒಂದಾಗಿದ್ದರು. ತಮ್ಮ ಸರಳ ನೇರ ಗೀತೆಗಳಿಂದ ಕನ್ನಡ ಹಾಡುಗಳನ್ನು ಮನೆ-ಮನೆ ತಲುಪಿಸಿದ ಕೀರ್ತಿ ಇವರಿಗೆ ಸಲ್ಲುತ್ತದೆ. ಡಾ. ರಾಜ್ ಚಿತ್ರ ಜೀವನದಲ್ಲಿ ಇದೊಂದು ಮೈಲಿಗಲ್ಲು. ಈ ಹಾಡಿನಲ್ಲಿ ಅವರ ತನ್ಮಯ ಅಭಿನಯ ಅವಿಸ್ಮರಣೀಯ. ರಾಜ್ ನಮ್ಮನ್ನು ಅಗಲಿದಾಗ ಬಹಳ ಕಾಡಿದ ಗೀತೆ. ವಿಶೇಷವೆಂದರೆ ಈ ಹಾಡು ಎರ‍ಡು ಬಾರಿ ಬರುತ್ತದೆ. ಮೊದಲ ಬಾರಿಗೆ ಹಾಡು ಬಂದಾಗ ನಾಯಕ ನೋವಿನಲ್ಲೂ ಸ್ಥಿತಪ್ರಙನಾಗಿರುತ್ತಾನೆ. ಎರಡನೇ ಬಾರಿ ಶೋಕಗೀತೆಯಾಗಿ ಮೂಡುತ್ತದೆ. (ಗಾಯನ : ಜಿ. ಕೆ. ವೆಂಕಟೇಶ ). ಪಿ. ಬಿ. ಶ್ರೀನಿವಾಸ ಗಾಯನವನ್ನು ಮರೆಯುವಂತಿಲ್ಲ. ಅವರ ಶಾರೀರ - ರಾಜ್ ಶರೀರದಲ್ಲಿ ಮೂಡಿಬಂದ ಅಭೂತಪೂರ್ವ ಗೀತೆ.

೬) ಆಕಾಶವೇ ಬೀಳಲಿ ಮೇಲೆ, ಚಿತ್ರ : ನ್ಯಾಯವೇ ದೇವರು, ಸಂಗೀತ : ರಾಜನ್-ನಾಗೇಂದ್ರ, ರಚನೆ : ಚಿ. ಉದಯಶಂಕರ್

ಈ ಸಂಚಿಕೆಯಲ್ಲಿ ಹಿರಿಯ ಗಾಯಕ ಯೇಸುದಾಸ್ ಅವರು ಹಾಡಿರುವ ಹತ್ತು ಗೀತೆಗಳನ್ನು ಆಯ್ದುಕೊಂಡಿದ್ದೇನೆ. ತಮ್ಮ ವಿಶೇಷ ಕಂಠದಿಂದ ಐದು ದಶಕಗಳ ಕಾಲ ಗಾಯನದ ಹಲವಾರು ಕ್ಷೇತ್ರಗಳಲ್ಲಿ ತೊಡಗಿಸಿಕೊಂಡಿರುವ ಇವರು ಕನ್ನಡ, ತಮಿಳು, ತೆಲುಗು, ಮಲಯಾಳಿ, ಹಿಂದಿ ಹೀತೆ ಹಲವಾರು ಭಾಷೆಗಳಲ್ಲಿ ಹಾಡಿದ್ದಾರೆ. ಪ್ರತಿ ವರ್ಷ ರಾಮನವಮಿಗೆ ಅವರ ಗಾಯನವನ್ನು ಕೇಳಿ ಸವಿಯುವ ಅವಕಾಶ ಬೆಂಗಳೂರಿನ ನಾಗರೀಕರಿಗೆ ಲಭ್ಯವಿದೆ.ಯೇಸುದಾಸ್ ಕನ್ನಡದಲ್ಲಿ ಹೆಚ್ಚಾಗಿ ಹಾಡಿದ್ದು ವಿಷ್ಣುವರ್ಧನ ಅವರಿಗೆ

೧) ಮರೆಯದಿರು ಅ ಶಕ್ತಿಯ, ಚಿತ್ರ : ಪಿತಾಮಹ, ಸಂಗೀತ : ಉಪೇಂದ್ರಕುಮಾರ್- ಎಂ.ರಂಗರಾವ , ರಚನೆ : ಚಿ.ಉದಯಶಂಕರ್

ಮನುಷ್ಯ ತನ್ನ ಅಂತರಾಳದ ಅಂಕೆಯನ್ನು ಮೀರಿ ನಡೆಯಬಾರದು , ಇಲ್ಲಿ ಅಗೋಚರ ಶಕ್ತಿಯನ್ನು ವಿಧಿ,ಹರಿ,ಹರ ಏನು ಬೇಕಾದರು ಅನ್ನಬಹುದು , ಈ ಶಕ್ತಿಯ ಕೈಯಲ್ಲಿನ ಸೂತ್ರದ ಗೊಂಬೆಗಳು ನಾವು ಎನ್ನುವ ಸಂದೇಶ ಸಾರುವ ಗೀತೆ. ಯೇಸುದಾಸ್ ಅವರಿಗೆ ಹೇಳಿ ಮಾಡಿಸಿದ ಗೀತೆ.

೨) ಯಾರೆ ನೀನು ಚೆಲುವೆ, ಚಿತ್ರ : ನಾನು ನನ್ನ ಹೆಂಡ್ತಿ, ಸಂಗೀತ : ಶಂಕರ್-ಗಣೇಶ, ರಚನೆ : ಹಂಸಲೇಖ

ಯೇಸುದಾಸ್ ಹಾಡಿರುವ ಹಾಡುಗಳ ಪೈಕಿ ಬಹಳ ವಿಭಿನ್ನವಾದ ಪ್ರಯತ್ನ. ಈ ಗೀತೆಯಲ್ಲಿ Guitar ಬಳಕೆ ಬಹಳ ಸಮರ್ಪಕ. ಸದಾ ಹಚ್ಚ ಹಸಿರಾಗಿರುವ ಪ್ರೇಮ ಗೀತೆ. ಈ ಚಿತ್ರವೇ ಹಂಸಲೇಖ ಅವರಿಗೆ ಮುಂದೆ ಪ್ರೇಮ ಲೋಕ ಚಿತ್ರದ ಸಂಗೀತ ನಿರ್ದೇಶನಕ್ಕೆ ದಾರಿ ಮಾಡಿ ಕೊಟ್ಟಿತು ಎಂದರೆ ತಪ್ಪಾಗಲಾರದು.

೩) ಜೋ ಜೋ ಲಾಲಿ, ಚಿತ್ರ : ಚಿನ್ನ ನಿನ್ನ ಮುದ್ದಾಡುವೆ, ಸಂಗೀತ : ಸಲೀಲ ಚೌಧುರಿ, ರಚನೆ : ಆರ. ಎನ. ಜಯಗೋಪಾಲ್

ಇದು ಚಿತ್ರ ಗೀತೆಯೇ ಇರಬಹುದು – ಆದರೆ ಅದ್ಭುತ ಲಾಲಿ ಹಾಡು. ಕಂದನನ್ನು ಮಲಗಿಸಲು ತಂದೆ ಹಾಡುವ ಗೀತೆ ಅಜರಾಮರ. ಕೇಳುತ್ತಿದ್ದರೆ ಕಂದಮ್ಮಗಳು ಸೊಂಪಾದ ನಿದಿರೆಗೆ ಜಾರುವುದರಲ್ಲಿ ಅನುಮಾನವೇ ಇಲ್ಲ.ಸಲೀಲ ಚೌಧುರಿ ಕನ್ನಡದಲ್ಲಿ ಅಪರೂಪಕ್ಕೆ ಸಂಗೀತೆ ನೀಡಿದ ಚಿತ್ರ.

೪) ಎಲ್ಲೆಲ್ಲು ಸಂಗೀತವೇ, ಚಿತ್ರ : ಮಲಯ ಮಾರುತ, ಸಂಗೀತ : ವಿಜಯಭಾಸ್ಕರ, ರಚನೆ : ಚಿ.ಉದಯಶಂಕರ್

ಈ ಚಿತ್ರದಲ್ಲು ಒದ್ದಕ್ಕಿಂತ ಒಂದು ಸುಮಧುರ ಗೀತೆಗಳಿದ್ದು ಅದರಲ್ಲಿ ಹಲವು ಗೀತೆಗಳನ್ನು ಯೇಸುದಾಸ್ ಹಾಡಿದ್ದಾರೆ. “ಶಾರದೆ ದಯತೋರಿದೆ”, “ನಟನವಿಶಾರದ ನಟಶೇಖರ”, “ಮಲಯ ಮಾರುತ ಗಾನ” ಹೀಗೆ ಹಲವಾರು. ಶಾಸ್ತ್ರೀಯ ಶೈಲಿಯ ಗಾಯನದಲ್ಲಿ ಪಳಗಿದ ಯೇಸುದಾಸ್ ಅವರಿಗೆ ಹೇಳಿ ಮಾಡಿಸಿದ ಗೀತೆಗಳು. ಆಯ್ಕೆಗೋಸ್ಕರ ಈ ಗೀತೆಯನ್ನು ಆರಿಸಿದ್ದೇನೆ.

೫) ಟು ಟು ಟು ಬೇಡಪ್ಪ, ಚಿತ್ರ ; ಪ್ರೇಮಮಯಿ, ಸಂಗೀತ : ಆರ್. ಸುದರ್ಶನ, ರಚನೆ : ವಿಜಯನಾರಸಿಂಹ

ಹಲವರಿಗೆ ಗೊತ್ತಿಲ್ಲದ ವಿಷಯ. ತಮ್ಮ ಚಿತ್ರಗೀತೆಯ ಗಾಯನದ ಆರಂಭದ ದಿನಗಳಲ್ಲಿ ಯೇಸುದಾಸ್ ಡಾ.ರಾಜಕುಮಾರ್ ಅವರಿಗೂ ಒಂದು ಗೀತೆಯನ್ನು ಹಾಡಿದ್ದಾರೆ. ಇದರ ನಂತರ ಅವರು ರಾಜ ಅವರಿಗೆ ಹಾಡಿದ್ದು ಬಹಳ ಕಡಿಮೆ. ಮಗು ಮತ್ತು ಆತನ ಚಿಕ್ಕಪ್ಪನ ನಡುವಿನ ಮಧುರ ಬಾಂಧವ್ಯವನ್ನು ಹಾಡಿನ ಮೂಲಕ ತೋರಿಸಲಾಗಿದೆ.

೬) ನಗುವಿನ ಅಳುವಿನ ಸಂಕೋಲೆ , ಚಿತ್ರ ; ದೇವರ ಕಣ್ಣು, ಸಂಗೀತ : ಟಿ. ಜಿ. ಲಿಂಗಪ್ಪ, ರಚನೆ : ಚಿ.ಉದಯಶಂಕರ್

“ನಿನ್ನ ನೀನು ಮರೆತರೇನು ಸುಖವಿದೆ” ಮುಂತಾದ ಹಲವಾರು ಸುಮಧುರ ಗೇತೆಗಳನ್ನು ಒಳಗೊಂಡ ಈ ಚಿತ್ರದಲ್ಲಿ ಯೇಸುದಾಸ್ ಅವರ ಕಂಠದಲ್ಲಿ ಮೂಡಿಬಂದ ಶೋಕ ಗೀತೆ.

೭) ಪಾರಮಾರ್ಥ ತತ್ವ, ಚಿತ್ರ : ಗಾನಯೋಗಿ ಪಂಚಾಕ್ಷರಿ ಗವಾಯಿ, ಸಂಗೀತ : ಹಂಸಲೇಖ, ರಚನೆ : ಸರ್ಪಭೂಷಣ

ಮಹಾನ ಗಾಯಕರಾದ ಎಸ.ಪಿ.ಬಿ, ರಾಜ್, ಚಿತ್ರ ಹಾಡಿರುವ ಅಮೋಘ ಗೀತೆಗಳಿರುವ ಈ ಸಂಗೀತಮಯ ಚಿತ್ರದಲ್ಲಿ ಯೇಸುದಾಸ್ ಅವರ ಕಾಣಿಕೆಯೂ ಇದೆ. ಕನ್ನಡ ಚಿತ್ರ ಸಂಗೀತಕ್ಕೆ ವಿಶೇಷ ಮನ್ನಣೆ ತಂದುಕೊಟ್ಟ ಈ ಚಿತ್ರ ಮತ್ತು ಇದರ ಸಂಗೀತ ಸದಾ ಅಮರ.

೮) ಬೇಲೂರ ಶಿಲೆಯ ಬೆಡಗೊ, ಚಿತ್ರ : ಹೆಂಡ್ತಿ ಬೇಕು ಹೆಂಡ್ತಿ, ಸಂಗೀತ : ಎಂ. ರಂಗರಾವ್, ರಚನೆ : ಆರ. ಎನ. ಜಯಗೋಪಾಲ್

ಯೇಸುದಾಸ್ ಅವರ ಕಂಠದಲ್ಲಿ ಮೂಡಿಬಂದ ಮತ್ತೊಂದು ಸುಮಧುರ ಪ್ರೇಮಗೀತೆ. ಅನಂತನಾಗ ಅವರ ಮೇಲೆ ಚಿತ್ರಿತವಾದ ಗೀತೆ.

೯) ಹೇ ಶಿಲ್ಪಿ, ಚಿತ್ರ : ರಾಗ ತಾಳ, ಸಂಗೀತ : ಎಂ. ರಂಗರಾವ್, ರಚನೆ : ನಂದಗೋಪಾಲ ರೆಡ್ಡಿ

ಈ ಹಾಡು ಇನ್ನೂ ಕೇಳಿಲ್ಲವೇ, ಹಾಗಿದ್ದರೆ ಬೇಲೂರಿನ ಸೊಬಗು ವರ್ಣಿಸುವ ಈ ಸುಂದರ ಗೀತೆಯನ್ನು ತಕ್ಷಣ ಕೇಳಿ. ಚಿತ್ರ ಹೆಚ್ಚು ಸುದ್ದಿ ಮಾಡದಿದ್ದರೂ ಈ ಹಾಡು ಮಾತ್ರ ಬಹಳ ಸುಮಧುರ.. ಯೇಸುದಾಸ್ ಅವರ ಕಿರೀಟದಲ್ಲಿ ಮತ್ತೊಂದು ಗರಿ.

೧೦) ಆ ಕರ್ಣನಂತೆ ನೀ ದಾನಿಯಾದೆ, ಚಿತ್ರ ; ಕರ್ಣ, ಸಂಗೀತ : ಎಂ. ರಂಗರಾವ್, ರಚನೆ : ಚಿ.ಉದಯಶಂಕರ್

ಕರ್ಣ ಚಿತ್ರದ ಈ ಗೀತೆ ಬಹಳ ಪರಿಣಾಮಕಾರಿಯಾಗಿ ಮೂಡಿ ಬಂತು. ಈಗಲೂ ಯಾವುದೇ ವಾಹಿನಿಯಲ್ಲಿ ಪ್ರಸಾರವಾದರೂ ಕೇಳಬೇಕೆನಿಸುವ ಗೀತೆ. ಈ ಗೀತೆಯ ನೋವಿನ ಛಾಯೆ ಬಹಳ ಕಾಲ ನೆನಪಿನಲ್ಲಿ ಉಳಿಯುವಂತೆ ಮಾಡುತ್ತದೆ..

ಸ್ವಲ್ಪ ಫ್ಲಾಶ್ ಬ್ಯಾಕ್ ಗೆ ಹೋಗೋಣ…ನಾಲ್ಕು ವರ್ಷದ ಹಿಂದೆ.. ಬರೀ ರೌಡಿಸಂ ಚಿತ್ರಗಳೇ ತಾಂಡವವಾಡುತ್ತಿದ್ದ ಕಾಲ… ಹಳಸಿದ ಕಥೆಗಳನ್ನೇ ನೋಡಿ ನೋಡಿ ಸುಸ್ತು ಹೊಡಿದಿದ್ದ ಕಾಲ… ಕುಟುಂಬವೆಲ್ಲಾ ಕೂತು ನೋಡುವ ಚಿತ್ರಗಳು ಇನ್ನು ಮುಂದೆ ಬರುವುದೆ ಇಲ್ಲ ಎಂದು ನಿರ್ಧರಿಸಿದ್ದ ಕಾಲ… ಕಾಲ..ಕಾಲ..ಕಾಲ…ಕಲರ್ ನೆ ಕಳೆದುಕೊಂಡ ಕಾಲ…ಬರಗಾಲ…
ಅಂತಹ ಒಂದು ಕಾಲಕ್ಕೆ ಪೂರ್ಣ ವಿರಾಮ ಹೇಳಿ, ಮನೆಮಂದಿಯೆಲ್ಲಾ ಥಿಯೇಟರನತ್ತ ದೌಡಾಯಿಸುವಂತೆ ಮಾಡಿದ್ದು ಎನು??
ಚಿತ್ರರಂಗದ ಆಯಮಗಳನ್ನೇ ಬದಲಿಸಿದ ಕನ್ನಡ ಸೂಪರ್ ಡೂಪರ್ ಚಿತ್ರಗಳು–”ಮುಂಗಾರು ಮಳೆ” ಹಾಗೂ “ದುನಿಯಾ”!!

ನಾಲ್ಕು ವರ್ಷದ ಹಿಂದೆ ಸೂರಿ,ಯೋಗರಾಜ್ ಭಟ್…ಯಾರಿಗೂ ಗೊತ್ತಿಲ್ಲದ ಹೆಸರು…ಆದರೆ ಇವತ್ತು ಕನ್ನಡ ಚಿತ್ರರಂಗದ ಟಾಪ್ ಸ್ಟಾರ್ ನಿರ್ದೇಶಕರು…

ಇವರಿಬ್ಬರ ಸುದ್ದಿ ಯಾಕೆ ಹೇಳ್ತಾ ಇದ್ದೀನಿ ಅಂದ್ರೆ, ಕಳೆದ ಎರಡು ವಾರಗಳಿಂದ ಇವೆರಡು ಹೆಸರುಗಳು ಬಹಳ ಸದ್ದನ್ನು ಮಾಡುತ್ತಿರುವ ಕಾರಣದಿಂದ.
ಆ ಸದ್ದು ಯಾಕೆ ಎಂಬುದನ್ನು ನಾನು ಹೇಳುವ ಅವಶ್ಯಕತೆ ಇಲ್ಲ ಅನಿಸುತ್ತೆ…!!!
ಹೌದು..ಕನ್ನಡ ಚಿತ್ರರಂಗಕ್ಕೆ ಮತ್ತೊಂದು ರಂಗನ್ನು ನೀಡಲು ಬರುತ್ತಿದೆ “ಜಾಕಿ” ಹಾಗೂ “ಪಂಚರಂಗಿ”.
ಇವೆರಡು ಕನ್ನಡ ಚಿತ್ರರಂಗದ ಅಳಿವು-ಉಳಿವಿನ ಪ್ರಶ್ನೆ..ನಾನು ಈ ಮಾತನ್ನು ಹೇಳುವುದಕ್ಕೆ ಕಾರಣವಿದೆ. ೨೦೧೦ ರಲ್ಲಿ ತೆರೆಕಂದ ೧೦೦ಕ್ಕೂ ಹೆಚ್ಚು ಚಿತ್ರಗಳಲ್ಲಿ “ಆಪ್ತರಕ್ಷಕ”,”ಕೃಷನ್ ಲವ್-ಸ್ಟೋರಿ”- ಎರಡು ಚಿತ್ರಗಳನ್ನು ಬಿಟ್ಟರೆ ಇನ್ನಾವ ಚಿತ್ರವು ಸದ್ದು ಮಾಡಿಲ್ಲ.. ಇದಲ್ಲದೆ,”ಎರಡನೆ ಮದುವೆ”,”ಲಿಫ಼್ಟ್ ಕೊಡ್ಲಾ”,”ನಾನು ನನ್ನ ಕನಸು” ಚಿತ್ರರಂಗಕ್ಕೆ ಮತ್ತೊಮ್ಮೆ ಸ್ಪೂರ್ತಿ ತಂದಿದೆ.ಆದರೆ ಚಿತ್ರರಂಗದ ಉಳಿವಿಗೆ ಬೇಕಾಗಿರುವುದು ಕೇವಲ ಸ್ಪೂರ್ತಿ ಅಲ್ಲ.ನಮಗೆ ಈಗ ಬೇಕಾಗಿರೋದು ಒಂದು ದೊಡ್ಡ ಮಟ್ಟದ ಯಶಸ್ಸು. ಕನ್ನಡದಲ್ಲಿ “ಮುಂಗಾರು ಮಳೆ”ಯ ನಂತರ ಸೂಪರ್ ಹಿಟ್ ಚಿತ್ರಗಳು ಬಂದು ಹೋಗಿದ್ದರು,”ಮುಂಗಾರು ಮಳೆ”ಯ ಯಶಸ್ಸನ್ನೂ ಮೀರುವ ಚಿತ್ರ ಬಂದಿಲ್ಲ.

ಮುಂಗಾರು ಮಳೆ,ದುನಿಯಾ ಕೊಟ್ಟ ಸೂರಿ-ಭಟ್ಟರ ಜೋಡಿ ಮತ್ತೆ ಮೋಡಿ ಮಾಡಲಿದೆಯೆ??ಎಂಬುದೆ ಯಕ್ಷ ಪ್ರಶ್ನೆ ಯಾಗಿದೆ..

ಪಂಚರಂಗಿ-ಯೋಗರಾಜ್ ಭಟ್ ನಿರ್ಮಾಣದ,ನಿರ್ದೇಶನದ ಚಿತ್ರ. ಮನೋಮೂರ್ತಿ ಸಂಗೇತ ಈ ಚಿತ್ರಕ್ಕೆ ಇದೆ. ಈಗಾಗಲೇ  ಈ ಚಿತ್ರದ “ಲೈಫು ಇಷ್ಟೇನೆ!” ಹಾಗೂ “ಪಂಚರಂಗಿ ಹಾಡುಗಳು”–ಯುವ ಮನಸುಗಳ ಹೊಸ ಕರೆತಗಳಾಗಿರುವುದಂತೂ ಸತ್ಯ.
ಚಿತ್ರದ ಡೈಲಾಗ್ ಗಳ ಬಗ್ಗೆ ಅತೀ ಹೆಚ್ಚು ಕುತೂಹಲವನ್ನು ಈ ಚಿತ್ರ ಇರಿಸಿಕೋಡಿದೆ. ಪಂಚರಂಗಿ ಮತ್ತೊಂದು ಮುಂಗಾರು ಮಳೆ ಆಗಲಿ. ಮುಂಗಾರು ಮಳೆ-ಗೋಲ್ಡನ್ ಸ್ಟಾರ್ ಅನ್ನು ಹುಟ್ಟು ಹಾಕಿತು..ಪಂಚರಂಗಿ ಡೈಮಂಡ್ ಸ್ಟಾರ್ ನನ್ನು ಹುಟ್ಟು ಹಾಕಲಿ ಎಂಬುದೆ ಚಿತ್ರ ರಸಿಕರ ಆಶಯ.
ಸೆಪ್ಟೆಂಬರ್ ತಿಂಗಳಲ್ಲಿ ಈ ಚಿತ್ರ ಬಿಡುಗಡೆ ಆಗುತ್ತಿದ್ದು,ಇಡೀ ಕನ್ನಡ ಚಿತ್ರರಂಗವೇ ಕಾದು ನೋಡುತ್ತಿದೆ.

ಪಂಚರಂಗಿ-ಸೂರಿ ನಿರ್ದೇಶನದ ಚಿತ್ರ. ಹರಿಕೃಷ್ಣ ಸಂಗೇತ ಈ ಚಿತ್ರಕ್ಕೆ ಇದೆ. ಈಗಾಗಲೇ  ಈ ಚಿತ್ರದ “ಎಕ್ಕಾ ರಾಜ ರಾಣಿ” ಹಾಗೂ “ಎಡವಟ್ ಆಯ್ತು”–ಸಂಗೀತ ಲೋಕದಲ್ಲಿ ಹೋಸ ಪ್ರಯತ್ನ ಗಳು ಎನಿಸಿವೆ. ಭಟ್ಟರ ಸಾಹಿತ್ಯ ವಿನೂತನವಾಗಿದೆ. ಕನ್ನಡದದಲ್ಲಿ ಇಂತಹ ಪದಗಳು ಇಷ್ಟು ದಿನಗಳು ಎಲ್ಲಿದ್ದವು ಎನಿಸಿವೆ…
ಚಿತ್ರ ಡಾ|| ರಾಜಕುಮಾರ್ ಬ್ಯಾನರ್ ನಲ್ಲಿ ಮೂಡಿ ಬರುತ್ತಿರುವುದು ಮತ್ತೊಂದು ಖುಷಿ ಸಂಗತಿ.ಕರ್ನಾಟಕದ ಬಾಕ್ಸ್ ಆಫಿಸ್ ಕಿಂಗ್ “ಪುನೀತ್ ರಾಜಕುಮಾರ್” ಅಭಿನಯದ “ಜಾಕಿ”ಚಿತ್ರಕ್ಕೆ ಸಾಕಷ್ಟು ನಿರೀಕ್ಷೆಗಳಿವೆ.
ಅಕ್ಟೋಬರ್ ತಿಂಗಳಲ್ಲಿ ಈ ಚಿತ್ರ ಬಿಡುಗಡೆ ಆಗುತ್ತಿದ್ದು,ಇಡೀ ಕರ್ನಾಟಕವೇ ಕಾದು ನೋಡುತ್ತಿದೆ.
ಇಲ್ಲಿ ಮತ್ತೊಂದು ವಿಚಾರವಿದೆ. ದುನಿಯಾ ಚಿತ್ರದ ಪೋಸ್ಟರ್ ಗಳಲ್ಲಿಯೂ ಚಿತ್ರದ ಶೀರ್ಷಿಕೆಯ ಮೇಲೆ “ಸೂರಿ” ಎಂಬ ಹೆಸರಿತ್ತು,”ಜಾಕಿ” ಎಂಬ ಶೀರ್ಷಿಕೆಯ ಮೇಲೆ “ಸೂರಿ” ಎಂಬ ಹೆಸರಿದೆ. ಲಕ್ ಇಲ್ಲಿ ವರ್ಕ್ ಮಾಡಬಹುದೇನೋ..ಎಕೆಂದರೆ ಸೂರಿ ಎಂಬ ಹೆಸರು ಟೈಟಲ್ ಕೆಳಗೆ ಇದ್ದಾಗ ಚಿತ್ರ ಸೋತಿರುವ ನಿದರ್ಶನವಿದೆ.(ಇಂತಿ ನಿನ್ನ ಪ್ರೀತಿಯ-ಸೂರಿ)

ಎನಾದರೂ ಆಗಲಿ, ಇವೆರಡು ಚಿತ್ರಗಳು ಗೆಲ್ಲಲೆ ಬೇಕು. ಸೂರಿ-ಯೋಗರಾಜ್ ಭಟ್ಟರ ಮೇಲೆ ಇಡೀ ಕರ್ನಾಟಕ ಬರವಸೆ ಇಟ್ಟಿದೆ. ಬರವಸೆ ಸುಳ್ಳು ಮಾಡ ಬೇಡಿ-”ಸೂರಿ,ಭಟ್”!!

ಮತ್ತೆ ದುನಿಯಾದಲ್ಲಿ ಮಳೆಯ ನಿರೀಕ್ಷೆಯಲ್ಲಿ….

-ಕನ್ನಡ ಚಿತ್ರ ರಸಿಕರ ಪರವಾಗಿ “ಗಾಂಧಿನಗರದ ಗಿರ್-ಗಿಟ್ಲೆ” ಪುನೀತ್.ಬಿ.ಎ.

ಪ್ರೀತಿಯ ಹಂಗಾಮ

ವಿವೇಕ್ ರಾಜ್, ಶುಭಾ ಪೂಂಜ, ಅವಿನಾಶ್
ಸಂಗೀತ – ರಾಜ್ ಕಿರಣ್
ನಿರ್ಮಾಣ-ಪುಷ್ಪ, ರಶ್ಮಿ ಏಕನಾಥ್
ಕಥೆ-ಚಿತ್ರಕಥೆ-ನಿರ್ದೇಶನ -ವಿವೇಕ್ ರಾಜ್

ಹದಿ ಹರೆಯದ ಪ್ರೇಮಿಗಳಿಬ್ಬರ ಕಥೆ ಈ ಪ್ರೀತಿಯ ಹಂಗಾಮ! ವಿವೇಕ್ ರಾಜ್ ನಟಿಸಿ ತಾವೇ ಚಿತ್ರಕಥೆ ಬರೆದು ನಿರ್ದೇಶಿಸಿದ್ದಾರೆ. ಶುಭಾ ಪೂಂಜ ಚಿತ್ರದ ನಾಯಕಿ. ಕವಿರಾಜ್ ಹಾಡುಗಳನ್ನು ಬರೆದಿದ್ದಾರೆ.

ಮಯೂರ್ ಪಟೇಲ್ ಮತ್ತು ದೀಪಿಕಾ ಮುಖ್ಯಭೂಮಿಕೆಯಲ್ಲಿರುವ ‘ಹುಂಜ’ ಚಿತ್ರ ಈ ವಾರ ತೆರೆಕಾಣುತ್ತಿದೆ. ಆಕ್ಷನ್, ಲವ್, ಸೆಂಟಿಮೆಂಟ್ ಎಲ್ಲವೂ ಈ ಚಿತ್ರದಲ್ಲಿದೆ ಎನ್ನುತ್ತದೆ ಚಿತ್ರತಂಡ.  ರಾಜೇಶ್ ರಾಮನಾಥ್ ಸಂಗೀತ ನೀಡಿರುವ ಚಿತ್ರವನ್ನು ಜಯಂತ್ ನಿರ್ದೇಶಿಸಿದ್ದಾರೆ.

ಕಳೆದವಾರ ಬಿಡುಗಡೆಯಾದ ದರ್ಶನ್ ಅಭಿನಯದ ಶೌರ್ಯ ಚಿತ್ರಕ್ಕೆ ಅತ್ಯುತ್ತಮ ಆರಂಭ ಸಿಕ್ಕಿದ್ದು ಚಿತ್ರದ ಮೊದಲ ವಾರ ದಾಖಲೆ ಗಳಿಕೆ ಮಾಡುವ ನಿರೀಕ್ಷೆ ಇದೆ. ಆದರೆ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ದರ್ಶನ್ ಅಭಿಮಾನಿಗಳಿಗೆ ಚಿತ್ರ ರಸದೌತಣವನ್ನು ನೀಡಿದ್ದರೆ ಇನ್ನು ಕೆಲವರು ಇದೊಂದು ಸಾಮಾನ್ಯ ಚಿತ್ರ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.  ಬಿಡುಗಡೆಯಾದ ಬಹುತೇಕ ಎಲ್ಲ ಕಡೆ ಎರಡನೆ ವಾರಕ್ಕೆ ಕಾಲಿಡುತ್ತಿರುವ ಚಿತ್ರ ಮುಂಬರುವ ದಿನಗಳಲ್ಲಿ ಹೇಗೆ ಮುನ್ನಡೆಯಲಿದೆ ಎಂದು ಕಾದು ನೋಡಬೇಕಿದೆ.

2ನೇ ವಾರ – ಸಂತೋಷ್

Box Office Status: HUGE OPENING

ಮೊದಲ ವಾರ ಉತ್ತಮ ಓಪನಿಂಗ್ ಕಂಡ ಡೆಡ್ಲಿ  2 ಚಿತ್ರ ಎರಡನೇ ವಾರದಲ್ಲೂ ತಕ್ಕ ಮಟ್ಟಿಗಿನ ಪ್ರದರ್ಶನ ಕಂಡಿದೆ. ಮುಂದಿನ ವಾರ ಪಂಚರಂಗಿ ಹಾಗೂ ನಂತರ ಇತರ ದೊಡ್ಡ ಚಿತ್ರಗಳಿರುವುದರಿಂದ ಚಿತ್ರ ಕೆಲವು ಚಿತ್ರಮಂದಿರಗಳನ್ನು ಕಳೆದುಕೊಳ್ಳುವುದು ಗ್ಯಾರಂಟಿ. ಆದರೂ ಈವರೆಗೆ ಚಿತ್ರದ ಸಾಧನೆ ಆಶಾದಾಯಕ ಎನ್ನಬಹುದು!

ಮಾಸ್ ಚಿತ್ರಗಳನ್ನು ಇಷ್ತಪಡುವವರಿಗೆ ಚಿತ್ರ ಇಷ್ಟವಾಗಿದೆ. ಚಿತ್ರದ ತಾಂತ್ರಿಕ ಅಂಶಗಳು ಅದರಲ್ಲೂ ಸಂಕಲನ ತುಂಬ ಚೆನ್ನಾಗಿ ಬಂದಿದೆ ಎಂದು ಎಲ್ಲರೂ ಅಭಿಪ್ರಾಯಪಟ್ಟಿದ್ದಾರೆ. ಆದರೆ ಚಿತ್ರದಲ್ಲಿ ಹಿಂಸೆಯನ್ನು ಹೆಚ್ಚಾಗಿ ತೋರಿಸಿದ್ದಾರೆಂಬ ಆರೋಪವೂ ಇದೆ.

ಚಿತ್ರ ಭೂಮಿಕಾ ಸೇರಿದಂತೆ ರಾಜ್ಯಾದ್ಯಂತ ಮೂರನೇ ವಾರಕ್ಕೆ ಕಾಲಿಟ್ಟಿದೆ.

3 ನೇ ವಾರ – ಭೂಮಿಕಾ

Box Office Status: AVERAGE SECOND WEEK.

ಶಿವರಾಜ್ ಕುಮಾರ್ ಅಭಿನಯದ ಚೆಲುವೆಯೇ ನಿನ್ನೇ ನೋಡಲು ಚಿತ್ರದ ನಿರಾಶಾದಾಯಕ ಪ್ರದರ್ಶನ ಮುಂದುವರಿದಿದ್ದು ಚಿತ್ರ ಒಂದಾದ ಮೇಲೊಂದರಂತೆ ಚಿತ್ರಮಂದಿರಗಳನ್ನು ಕಳೆದುಕೊಳ್ಳುತ್ತಿದೆ.   ದೊಡ್ಡ ಬಜೆಟ್ ನ ಈ ಚಿತ್ರ ಹಾಕಿದ ಹಣ ವಾಪಸ್ ತರುವುದೂ ದುರ್ಲಭ ಎನ್ನುವ ಸ್ಥಿತಿ ನಿರ್ಮಾಣವಾಗಿದ್ದು, ಚಿತ್ರ ಇನ್ನು ಚೇತರಿಸಿಕೊಳ್ಳುವ ಲಕ್ಷಣಗಳು ತೀರಾ ಕಡಿಮೆ ಎನ್ನಲಾಗುತ್ತಿದೆ. ಬೆಂಗಳೂರು ಸೇರಿದಂತೆ ಕೆಲವು ಕೇಂದ್ರಗಳಲ್ಲಿ ಚಿತ್ರ ನಾಲ್ಕನೇ ವಾರಕ್ಕೆ ಕಾಲಿಡುತ್ತಿದೆ.

4ನೇ ವಾರ – ನರ್ತಕಿ

Box Office Status: STRUGGLING! Lost several theaters, and collections are not up to the mark!

ಎರಡನೇ ಮದುವೆ

ಚಿತ್ರ ಈಗಾಗಲೇ ಹಿಟ್ ಆಗಿದ್ದು ಮಲ್ಟಿಪ್ಲೆಕ್ಸ್ ಗಳಲ್ಲಿ ಗಳಿಕೆ ಈಗಲೂ ಚೆನ್ನಾಗಿದೆ. ತ್ರಿವೇಣಿಯಿಂದ ಕೈಲಾಷ್ ಗೆ ಸ್ಥಳಾಂತರವಾಗುತ್ತಿದೆ.

ತ್ರಿವೇಣಿಯಿಂದ ಹೊರಕ್ಕೆ. 8 ನೇ ಸಂಯೋಜಿತ ವಾರ – ಕೈಲಾಷ್

Box Office Status: HIT

ಮತ್ತೆ ಮುಂಗಾರು

ವಿಭಿನ್ನ ಪ್ರಯತ್ನದ ಈ ಚಿತ್ರಕ್ಕೆ ಕೊನೆಗೂ ಪ್ರೇಕ್ಷಕರ ಬೆಂಬಲ ಸಿಗಲೇ ಇಲ್ಲ. ಚಿತ್ರ ಎಲ್ಲ ಕಡೆ ನೀರಸ ಪ್ರದರ್ಶನ ಕಂಡು ಮೂರನೇ ವಾರದ ಕೊನೆಗೆ ಎಲ್ಲ ಚಿತ್ರಮಂದಿರಗಳನ್ನೂ ಕಳೆದುಕೊಂಡಿದೆ. ಕಪಾಲಿಯಿಂದಲೂ ಹೊರ ನಡೆಯುತ್ತಿದೆ.

ಕಪಾಲಿಯಿಂದ ಹೊರಕ್ಕೆ – ಒಟ್ಟು ಪ್ರದರ್ಶನ 3 ವಾರಗಳು.

Box Office Status: BIG FLOP

ಲಿಫ್ಟ್ ಕೊಡ್ಲಾ

ಜಗ್ಗೇಶ್, ಕೋಮಲ್ ನಟನೆಯ ಈ ಚಿತ್ರ 6 ವಾರಗಳ ಪ್ರದರ್ಶನ ಕಂಡಿದ್ದು ಹಾಕಿದ ಕಾಸಿಗೆ ಮೋಸ ಮಾಡಿಲ್ಲ. ಈ ವಾರ ಚಿತ್ರ ಅನುಪಮಾದಿಂದ ಹೊರನಡೆಯುತ್ತಿದೆ.

ತ್ರಿವೇಣಿಯಿಂದ ಹೊರಕ್ಕೆ. 8 ನೇ ಸಂಯೋಜಿತ ವಾರ – ಕೈಲಾಷ್

Box Office Status: INVESTMENT BACK, PRODUCER SAFE!

• ಪಂಚರಂಗಿ – ಸೆಪ್ಟೆಂಬರ್ 3 : ತ್ರಿವೇಣಿ

- Akumar

ಕನ್ನಡ ಇತಿಹಾಸ ಪ್ರಸಿದ್ಧ ವ್ಯಕ್ತಿಗಳ ಮಾಲಿಕೆಯಲ್ಲಿ ಮಯೂರ ಆಯಿತು, ಸರ್ವಜ್ಞ ಆಯಿತು ಮುಂದೆ ಚಾಲುಕ್ಯ ಸಾಮ್ರಾಟ – ಇಮ್ಮುಡಿ ಪುಲಿಕೇಶಿಯನ್ನು ಪರಿಚಯಿಸುವ ಪ್ರಯತ್ನ. ದಕ್ಷಿಣ ಭಾರತದುದ್ದಕ್ಕೂ ಕನ್ನಡ ರಾಜ್ಯವನ್ನು ವಿಸ್ತರಿಸಿದ ಕೀರ್ತಿ ಈ ರಾಜನಿಗೆ ಸಲ್ಲುತ್ತದೆ – ಆದುದರಿಂದಲೇ ಆತನಿಗೆ ಸಿಕ್ಕ ಬಿರುದು “ದಕ್ಷಿಣಪತೇಶ್ವರ”. ಮತ್ತೊಮ್ಮೆ ಈ ಪಾತ್ರವನ್ನು ಅಜರಾಮರಗೊಳಿಸಿದ್ದು ನಮ್ಮ ವರನಟ ಡಾ.ರಾಜಕುಮಾರ. ಅವರ ರೋಚಕ ಅಬಿನಯ ನೋಡಿಯೇ ಸವಿಯಬೇಕು.

ಇಲ್ಲಿನ ಕೆಲುವು ದೃಶ್ಯಗಳು / ಸಂಭಾಷಣೆಗಳು ಕನ್ನಡಿಗರಲ್ಲಿ ಕಿಚ್ಚು ಮೂಡಿಸುತ್ತದೆ.

ಉದಾಹರಣೆ : ಧ್ವಜ ಸ್ತಂಭವನ್ನು ಎತ್ತಿ ನಿಲ್ಲಿಸುತ್ತಿದ್ದ ಸಂದರ್ಭದಲ್ಲಿ ಅದು ಆಕಸ್ಮಿಕವಾಗಿ ಬೀಳುವಂತಾದಾಗ ಅದಕ್ಕೆ ತನ್ನ ಬೆನ್ನು ಕೊಟ್ಟು ಬೀಳದಂತೆ ತಡೆಯುವ ಪುಲಿಕೇಶಿ ಆಗ ಹೇಳುವ ಮಾತು “ನಾನು ಈ ಕಪ್ಪು ಮಣ್ಣಿನ ಗರ್ಭದಲ್ಲಿ ಜನಿಸಿದವನು. ನನ್ನ ತಾಯಿ ಕೌಶಿಕಿ ಕನ್ನಡ, ನನ್ನ ತಂದೆ ಮುಕುಟೇಶ್ವರ ಕನ್ನಡ, ನನ್ನ ಭಾಷೆ, ನನ್ನ ಉಸಿರು ಕನ್ನಡ. ನನ್ನ ಈ ಶಕ್ತಿ, ಧೈರ್ಯ ಕನ್ನಡ ತಾಯಿ ನೀಡಿದ ಕೊಡುಗೆ. ಕನ್ನಡದ ಈ ಹೆಮ್ಮೆಯ ಸ್ತಂಭ ಬೀಳಕೂಡದು” ಎಂದು ನುಡಿಯುತ್ತಾನೆ. ಇದು ನಾಯಕನ ಆಗಮನದ ದೃಶ್ಯ. ಬಹುಶಃ ಕನ್ನಡ ಚಿತ್ರರಂಗ ಕಂಡ ಅಪರೂಪದ ನಾಯಕನ ಆಗಮನದ ದೃಶ್ಯ.

ಮತ್ತೊಮ್ಮೆ “ಪತಿವ್ರತೆಗೆ ಗಂಡ ಹೇಗೋ , ಹಾಗೆ ಕನ್ನಡಿಗರ ಪಾಲಿಗೆ ಸತ್ಯವೊಂದೆ ಧರ್ಮ”. ಹೀಗೆ ಚಿತ್ರದುದ್ದಕ್ಕೂ ಸಂಭಾಷಣೆ ಮತ್ತು ಡಾ.ರಾಜಕುಮಾರ ಅಭಿನಯ ಮನಸೆಳೆಯುತ್ತದೆ.

ಪುಲಿಕೇಶಿಗೆ ಒಲಿಯಬೇಕಾದ ಸಿಂಹಾಸನವನ್ನು ಆತನ ಮಾವ ಮಂಗಲೇಶ ಅತಿಕ್ರಮಿಸಿಕೊಂಡಿರುತ್ತಾನೆ. ಈತ ಮತ್ತು ಈತನ ಮಂತ್ರಿ ರಾಹಪ್ಪ ಅನೇಕ ಕುಟಿಲೋಪಾಯಗಳನ್ನು ಹೂಡುತ್ತಾರೆ. ಪುಲಿಕೇಶಿಯ ಮೇಲೆ ಆತನ ತಮ್ಮ ಕುಬ್ಜ ವಿಷ್ಣುವರ್ಧನನ್ನು ಎತ್ತಿಕಟ್ಟುತ್ತಾರೆ. ಅನೇಕ ಷಡ್ಯಂತ್ರಗಳನ್ನು ರಚಿಸಿ ಪುಲಿಕೇಶಿ ಸಿಂಹಾಸನವನ್ನು ಏರದಂತೆ ತಡೆಯಲು ಪ್ರಯತ್ನಿಸುತ್ತಾರೆ. ಮಂಗಲೇಶ ಸತ್ತು ಆ ಅಪವಾದ ಪುಲಿಕೇಶಿಯ ಮೇಲೆ ಬಂದಾಗ ಸ್ವತಃ ಮಂಗಲೇಶನ ಮಡದಿ ಮಧ್ಯೆ ಪ್ರವೇಶಿಸಿ “ಕನ್ನಡ ತಾಯಿಯ ಮಾಂಗಲ್ಯ ಉಳಿಸಲು ನಾನೆ ಈ ಕೊಲೆ ಮಾಡಿಸಿದ್ದು” ಎಂದು ನುಡಿಯುತ್ತಾಳೆ. ರಾಹಪ್ಪ ಶತ್ರು ಪಾಳಯ ಸೇರುತ್ತಾನೆ.

ಪುಲಿಕೇಶಿ ದಂಡೆತ್ತಿ ಬಂದ ಪಲ್ಲವರನ್ನು ಸೋಲಿಸಿ ರಾಜ್ಯವನ್ನು ವಿಸ್ತರಿಸುತ್ತಾನೆ. ನರ್ಮದೆಯ ತಟದಲ್ಲಿ ಉತ್ತರದ ಪ್ರಭಾವಿ ರಾಜ ಹರ್ಷವರ್ಧನನ್ನು ಸೋಲಿಸಿ “ಚಾಳುಕ್ಯ ಪರಮೇಶ್ವರ” ಎಂಬ ಬಿರುದಾಂಕಿತನಾಗುತ್ತಾನೆ. ಈ ಮಧ್ಯೆ ಹಲವಾರು ರಾಜಕೀಯ ಪಿತೂರಿಗಳನ್ನು ನಿಷ್ಕ್ರಿಯೆಗೊಳಿಸುತ್ತಾನೆ.

ಇತಿಹಾಸ ಪ್ರಸಿದ್ದ ಬಾದಾಮಿ, ಐಹೊಳೆ, ಪಟ್ಟಡಕಲ್ಲು ನಿರ್ಮಾಣವಾಗಿದ್ದು ಚಾಲುಕ್ಯರ ಕಾಲದಲ್ಲೇ.

ವಯೋವೃದ್ಧ, ಅನಾರೋಗ್ಯ ಪೀಡಿತನಾದ ಪುಲಿಕೇಶಿಯ ರಾಜ್ಯವನ್ನು ಪಲ್ಲವರು ಆಕ್ರಮಿಸಿಕೊಳ್ಳುತ್ತಾರೆ. ಈ ವಿಷಯ ಪುಲಿಕೇಶಿಗೆ ತಡವಾಗಿ ತಿಳಿಯುತ್ತದೆ. ಬಂಧು-ಮಿತ್ರರೆಲ್ಲ ಯುದ್ದದಲ್ಲಿ ಮಡಿದ ವಿಷಯ ಕೇಳಿ ಆಕ್ರೋಶಗೊಂಡು ಬಿಚ್ಚುಗತ್ತಿಯನ್ನು ಹಿಡಿಡು ಯುದ್ದಕ್ಕೆ ನಿಲ್ಲುತ್ತಾನೆ. ಈ ಕೊನೆಯ ದೃಶ್ಯದಲ್ಲಿ ಡಾ.ರಾಜಕುಮಾರ ಅವರ ಅಭಿನಯ ಅಮೋಘ , ಕತ್ತಿಯನ್ನು ಹಿಡಿದು ಆ ಭಂಗಿಯಲ್ಲೆ ಸತ್ತಂತೆ ನಟಿಸಬೇಕಾದ ದೃಶ್ಯ – ಅತ್ಯಮೋಘ.

ತಾರಾಗಣದಲ್ಲಿ : ತಮ್ಮನಾಗಿ ಉದಯಕುಮಾರ್ ಪಾತ್ರಪೋಷಣೆ ಉತ್ತಮವಾಗಿದೆ – ಮೊದಲು ಅಣ್ಣನ ವಿರುದ್ಧ ತಿರುಗಿ ನಿಂತು ನಂತರ ಕೊನೆಯವರೆಗೂ ಅಣ್ಣನ ನೆರಳಾಗೆ ನಿಲ್ಲುತ್ತಾನೆ, ಈತನಿಗೆ ತನ್ನ ಗೂನು ಬೆನ್ನಿನ ಬಗ್ಗೆ ಸದಾ ಬೇಸರ. ಇನ್ನು ಮಂತ್ರಿ ರಾಹಪ್ಪನಾಗಿ ಬಾಲಣ್ಣ ತಮ್ಮ ಎಂದಿನ ಅದ್ಭುತ ಅಭಿನಯವನ್ನು ತೋರಿದ್ದಾರೆ. ರಾಣಿಯಾಗಿ ಜಯಂತಿ, ಮಂಗಲೇಶರಾಗಿ ಶಕ್ತಿಪ್ರಸಾದ್, ವಿಶೇಷ ಪಾತ್ರದಲ್ಲಿ ಕಲ್ಪನ, ಹರ್ಷವರ್ಧನನ ಪಾತ್ರದಲ್ಲಿ ಅಶ್ವಥ ಮುಂತಾದವರಿದ್ದಾರೆ.

ನಿರ್ದೇಶನ : ರಾಜನ್

ಚಿತ್ರಕಥೆ ಮತ್ತು ಸಂಭಾಷಣೆ : ಜಿ.ವಿ.ಅಯ್ಯರ್

ಸಂಗೀತ : ಜಿ. ಕೆ. ವೆಂಕಟೇಶ್

ಶೌರ್ಯ

ದರ್ಶನ್, ಮದಾಲಸಾ ಶರ್ಮ, ಸಾಧು ಕೋಕಿಲ, ರೀಮಾ, ಓಮ್ ಪ್ರಕಾಶ್, ಬುಲೆಟ್ ಪ್ರಕಾಶ್, ಮುಮ್ಮೈತ್ ಖಾನ್
ಸಂಗೀತ – ಸಾಧು ಕೋಕಿಲ
ನಿರ್ಮಾಣ-ಗಂಗಾಧರ್, ವೆಂಕಟೇಶ್
ನಿರ್ದೇಶನ -ಸಾಧು ಕೋಕಿಲ

ಈ ವಾರ ಛಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿಮಾನಿಗಳಿಗೆ ಹಾಗೂ ಆಕ್ಷನ್ ಪ್ರಿಯರಿಗೆ ಹಬ್ಬವೋ ಹಬ್ಬ! ಬಹು ನಿರೀಕ್ಷಿತ ಶೌರ್ಯ ಚಿತ್ರ ಬಿಡುಗಡೆಯಾಗುತ್ತಿದೆ. ಸಾಧು ಕೋಕಿಲ ಸಂಗೀತ ನೀಡಿ, ನಟಿಸಿ ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿ ಮದಾಲಸ ಶರ್ಮ ನಾಯಕಿಯಾಗಿ ನಟಿಸಿದ್ದಾಳೆ. ಹಾಡುಗಳು ಜನಪ್ರಿಯವಾಗಿರುವುದು ಚಿತ್ರದ ಮೇಲೆ ಇನ್ನಷ್ಟು ಕುತೂಹಲವನ್ನು ಹೆಚ್ಚಿಸಿವೆ. ಈ ವರಮಹಾಲಕ್ಷ್ಮಿ ಹಬ್ಬದ ದಿನ ಅಭಿಮಾನಿಗಳಿಗೆ ಹಬ್ಬದೂಟ ಸಿದ್ದವಾಗಿದೆ!

ಈ ವಾರ ಶೌರ್ಯದ ಜೊತೆ ಮತ್ತಾವ ಚಿತ್ರವೂ ತೆರೆ ಕಾಣುತ್ತಿಲ್ಲ. ಶೌರ್ಯಕ್ಕೆ ಶೌರ್ಯವೇ ಎದುರಾಳಿ!

ಡೆಡ್ಲಿ – 2

ಕಳೆದವಾರ ಬಿಡುಗಡೆಯಾದ ಡೆಡ್ಲಿ ಸೋಮ ಭಾಗ 2 ಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಮಾಸ್ ಚಿತ್ರಗಳನ್ನು ಇಷ್ತಪಡುವವರಿಗೆ ಚಿತ್ರ ಇಷ್ಟವಾಗಿದೆ. ಚಿತ್ರದ ತಾಂತ್ರಿಕ ಅಂಶಗಳು ಅದರಲ್ಲೂ ಸಂಕಲನ ತುಂಬ ಚೆನ್ನಾಗಿ ಬಂದಿದೆ ಎಂದು ಎಲ್ಲರೂ ಅಭಿಪ್ರಾಯಪಟ್ಟಿದ್ದಾರೆ. ಆದರೆ ಚಿತ್ರದಲ್ಲಿ ಹಿಂಸೆಯನ್ನು ಹೆಚ್ಚಾಗಿ ತೋರಿಸಿದ್ದಾರೆಂಬ ಆರೋಪವೂ ಇದೆ. ಒಟ್ಟಿನಲ್ಲಿ ಚಿತ್ರಕ್ಕೆ ಒಂದು ಮಟ್ಟದ ಉತ್ತಮ ಓಪನಿಂಗ್ ಸಿಕ್ಕಿದೆ ಎನ್ನಬಹುದು. ಚಿತ್ರ ಭೂಮಿಕಾ ಸೇರಿದಂತೆ ರಾಜ್ಯಾದ್ಯಂತ ಎರಡನೇ ವಾರಕ್ಕೆ ಕಾಲಿಟ್ಟಿದೆ.

2ನೇ ವಾರ – ಭೂಮಿಕಾ

Box Office Status: GOOD OPENING

ಚೆಲುವೆಯೇ ನಿನ್ನೇ ನೋಡಲು

ಶಿವರಾಜ್ ಕುಮಾರ್ ಅಭಿನಯದ ಚೆಲುವೆಯೇ ನಿನ್ನೇ ನೋಡಲು ಚಿತ್ರಕ್ಕೆ ಮಾಧ್ಯಮದಿಂದಲೂ, ಪ್ರೇಕ್ಷಕರಿಂದಲೂ ಮಿಶ್ರ ಪ್ರತಿಕ್ರಿಯೆ ಸಿಕ್ಕಿದೆ. ಬಿಡುಗಡೆಗೆ ಮುನ್ನ ಭಾರೀ ಸುದ್ದಿ ಮಾಡಿದ್ದ ಈ ಚಿತ್ರ ಶಿವಣ್ಣನಿಗೆ ಮತ್ತೆ ಬೇಕ್ ನೀಡಲಿದೆ, ಕನ್ನಡದಲ್ಲಿ ಮತ್ತೆಂದು ಬ್ಲಾಕ್ ಬಸ್ಟರ್ ಆಗಲಿದೆ ಎಂದು ನಂಬಲಾಗಿತ್ತು, ಆದರೆ ಆ ನಂಬಿಕೆ ಹುಸಿಯಾಗಿದ್ದು ಚಿತ್ರ ನಿರಾಶಾದಾಯಕ ಪ್ರದರ್ಶನವನ್ನು ಕಾಣುತ್ತಿದೆ. ಈಗಿನ ಪರಿಸ್ಥಿತಿಯಲ್ಲಿ ದೊಡ್ಡ ಬಜೆಟ್ ನ ಈ ಚಿತ್ರ ಹಾಕಿದ ಹಣ ವಾಪಸ್ ತಂದರೆ ಸಾಕು ಎನ್ನುವ ಸ್ಥಿತಿ ಚಿತ್ರತಂಡದ್ದು!

3ನೇ ವಾರ – ನರ್ತಕಿ

Box Office Status: AVERAGE Good opening but poor second week. Avg response so far!

ಮತ್ತೆ ಮುಂಗಾರು

ಮುಂಗಾರು ಮಳೆ, ಮೊಗ್ಗಿನ ಮನಸು ಎಂಬ ಎರಡು ಸೂಪರ್ ಹಿಟ್ ಚಿತ್ರ ಕೊಟ್ಟಿದ್ದ ಇ. ಕೃಷ್ಣಪ್ಪ ತಮ್ಮ ಮೂರನೇ ಚಿತ್ರ ಮತ್ತೆ ಮುಂಗಾರಿನಲ್ಲಿ ಎಡವಿದ್ದಾರೆ. ಚಿತ್ರಕ್ಕೆ ಅತ್ಯುತ್ತಮ ವಿಮರ್ಶೆ ಸಿಕ್ಕಿದ್ದು ಇದೊಂದು ರಾಷ್ಟ್ರೀಯ ಮಟ್ಟದಲ್ಲಿ ಕನ್ನಡಕ್ಕೆ ಹೆಸರು ತಂದುಕೊಡುವ ಚಿತ್ರ ಎಂದು ಹೇಳಲಾಗುತ್ತ್ದೆ, ಆದರೆ ಚಿತ್ರ ಬಾಕ್ಸ್ ಆಫೀಸ್ ಗಳಿಗೆಯಲ್ಲಿ ಸೋತಿದೆ. ಎರಡನೇ ವಾರದ ಕೊನೆಗೆ ಬಹುತೇಕ ಎಲ್ಲ ಚಿತ್ರಮಂದಿರವನ್ನೂ ಕಳೆದುಕೊಂಡು ಸಂಕಷ್ಟದಲ್ಲಿದೆ.

3ನೇ ವಾರ – ಕಪಾಲಿ

Box Office Status: FLOP Lost almost all theaters.

ಲಿಫ್ಟ್ ಕೊಡ್ಲಾ

ಜಗ್ಗೇಶ್ ಕೋಮಲ್ ನಟನೆಯ ಲಿಫ್ಟ್ ಕೊಡ್ಲಾ ಚಿತ್ರ ಉತ್ತಮ ಪ್ರದರ್ಶನ ಕಂಡಿದ್ದು ಏಳನೇ ವಾರಕ್ಕೆ ಕಾಲಿಟ್ಟಿದೆ. ಸಣ್ಣ ಬಜೆಟ್ ನ ಈ ಚಿತ್ರ ಎಣಿಕೆಗಿಂತ ಹೆಚ್ಚಿನ ಸಾಧನೆ ಮಾಡಿದ್ದು ಹಾಕಿದ ಹಣ ವಾಪಸ್ ತಂದು ನಿರ್ಮಾಪಕರ ಮುಖದಲ್ಲಿ ನಗೆ ಬೀರಿದೆ! ಆದರೆ ಮುಂದಿನ ವಾರ ಚಿತ್ರ ಅನುಪಮಾದಿಂದ ಹೊರ ನಡೆಯುತ್ತಿದೆ. ಆದರೂ 7 ವಾರಗಳ ಪ್ರದರ್ಶನ ಕಳಪೆಯೇನಲ್ಲ!

7ನೇ ವಾರ – ಅನುಪಮ

Box Office Status: AVG HIT No loss

ಎರಡನೇ ಮದುವೆ

ದಿನೇಶ್ ಬಾಬು ನಿರ್ದೇಶನದ ಅನಂತ್ ನಾಗ್, ಸುಹಾಸಿನಿ ಶರಣ್ ನಟನಯ ಸಂಪೂರ್ಣ ಹಾಸ್ಯ ಮಯ ಚಿತ್ರಕ್ಕೆ ಜನ ಉತ್ತಮ ಬೆಂಬಲ ನೀಡಿದ್ದು ಚಿತ್ರ ಶಸ್ೀ ಚಿತ್ರಗಳ ಸಾಲಿಗೆ ಸೇರಿದೆ. ಈ ವಾರ 50 ದಿನಗಳನ್ನು ಪೂರೈಸುತ್ತಿದೆ

8 ನೇ ವಾರ – ತ್ರಿವೇಣಿ – ಸಂಭ್ರಮದ 50 ನೇ ದಿನ.

Box Office Status: HIT  Made decent profit

ನಾನು ನನ್ನ ಕನಸು – 100 ನೇ ದಿನ – Inox ಚಿತ್ರಮಂದಿರದಲ್ಲಿ

.

ಎರಡನೇ ಮದುವೆ -  50ನೇ ದಿನ – ತ್ರಿವೇಣಿ, PVR, Inox, Big Cinemas

• ಜೋಕಾಲಿ
• ಕುಣಿದು ಕುಣಿದು ಬಾರೆ
• ದೇವ ನಾಗ

• ಪಂಚರಂಗಿ

- Akumar

ಈ ಸಂಚಿಕೆಯಲ್ಲಿ ಹಿರಿಯ ಗಾಯಕ/ಸಂಗೀತ ನಿರ್ದೇಶಕರಾದ ಘಂಟಸಾಲ ಅವರು ಹಾಡಿರುವ ಹತ್ತು ಗೀತೆಗಳನ್ನು ಆಯ್ದುಕೊಂಡಿದ್ದೇನೆ. ತಮ್ಮ ಗೀತೆಯ ಸಾಹಿತ್ಯ ಮತ್ತು ಸಂಗೀತ ಸದಾ ಶ್ರೇಷ್ಟಮಟ್ಟದಲ್ಲಿರಬೇಕು ಎಂದು ತುಡಿಯುತ್ತಿದ್ದವರು. ಅವರು ಕೇವಲ ಗಾಯಕ ಮಾತ್ರವಲ್ಲದೆ ಸಂಗೀತ ನಿರ್ದೇಶಕರಾಗಿಯೂ ಪ್ರಸಿದ್ಧ. ಕನ್ನಡದಲ್ಲಿ ಅವರು ಹಾಡಿದ್ದು ಕಡಿಮೆಯಿರಬಹುದು - ಆದರೆ ಅವರ ಗೀತೆಗಳಿ ಸದಾ ಅಮರ. ತೆಲುಗಿನಲ್ಲಿ ಅವರ ನೂರಾರು ಗೀತೆಗಳನ್ನು ಕೇಳಬಹುದು.

೧) ಕುಲದಲ್ಲಿ ಕೀಳ್ಯಾವುದೋ ಹುಚ್ಚಪ್ಪ , ಚಿತ್ರ : ಸತ್ಯ ಹರಿಶ್ಚಂದ್ರ , ಸಂಗೀತ : ಪೆಂಡ್ಯಾಲ , ರಚನೆ : ಹುಣಸೂರು ಕೃಷ್ಣಮೂರ್ತಿ

ಈಗಲೂ ಯಾವುದೇ tv ವಾಹಿನಿಯ ನೃತ್ಯ ಕಾರ್ಯಕ್ರಮದಲ್ಲಿ ಈ ಗೀತೆಗೆ ವಿಶೇಷ ಸ್ಥಾನ ಮತ್ತು ಸಾಹಿತ್ಯ ಪ್ರಮುಖ ಆಕರ್ಷಣೆ. ವಯಸ್ಸಿನ ಮಿತಿಯನ್ನು ಮೀರಿ ಈ ಹಾಡು ಎಲ್ಲ ವರ್ಗದವರನ್ನು ರಂಜಿಸಿದೆ ಮತ್ತು ಗೀತೆ ಈಗಲೂ ಪ್ರಸ್ತುತ – ಉತ್ತಮ, ಮದ್ಯಮ, ಅಧಮರೆಲ್ಲರೂ ಸತ್ತ ಮೇಲೆ ಸಮನಾಗ್ತಾರೋ.

೨) ಯಾರಿಗೆ ಯಾರುಂಟು, ಚಿತ್ರ : ಗಾಳಿ ಗೋಪುರ, ಸಂಗೀತ : ಟಿ. ಜಿ. ಲಿಂಗಪ್ಪ , ರಚನೆ : ಪುರಂದರದಾಸರು

ದಾಸರ ರಚನೆಯ ಅದ್ಭುತ ಬಳಕೆ. ತನ್ನ ಕಳೆದುಹೋದ ಮಗನನ್ನು ನೆನದು ನೊಂದು-ಬೆಂದ ಮನೆಯ ಯಜಮಾನನಿಗೆ ಮನೆಯಾಳ ಸಾಂತ್ವನದ ಗೀತೆ. ಸಾಹಿತ್ಯದ ಕೆಲವು ತುಣುಕುಗಳು “ಬಾಯಾರಿತು ಎಂದು ಬಾವಿ ನೀರಿಗೆ ಹೋದೆ, ಬಾವಿ ಜಲ ಬತ್ತಿ ಕಾಣದಾಯಿತೋ ಹರಿಯೆ” – ಚಿಂತೆಯನ್ನು ಬಿಟ್ಟು ಭಗವಂತನನ್ನು ನೆನೆಯಬೇಕು ಎಂಬ ಸಂದೇಶವುಳ್ಳ ಗೀತೆ. ರಾಜ್-ಅಶ್ವಥ ಮೇಲೆ ಚಿತ್ರಿತವಾದ ಗೀತೆ.

೩) ಸ್ವಾಭಿಮಾನದ ನಲ್ಲೆ, ಚಿತ್ರ : ವೀರಕೇಸರಿ, ಸಂಗೀತ ಮತ್ತು ಗಾಯನ : ಘಂಟಸಾಲ, ರಚನೆ : ಕು. ರಾ. ಸೀತಾರಾಮಶಾಸ್ತ್ರಿ

ನಲ್ಲೆಯನ್ನು ಚುಡಾಯಿಸುವ ಗೀತೆಗಳು ನೂರಾರು ಇರಬಹುದು ಆದರೆ ಈ ಗೀತೆ ಒಂದು ಬಗೆಯ trendsetter ಎನಿಸಿತು. ಎಲ್ಲೂ ಅಶ್ಲೀಲತೆಯ ಸೊಂಕಿಲ್ಲದೆ ರಚಿತವಾದ ಗೀತೆ. ಹಾಡಿನ ಆರಂಭದಲ್ಲಿ ಬರುವ ರಾಗ ಸದಾ ಹಚ್ಚ ಹಸಿರಾಗಿ ಉಳಿಯುತ್ತದೆ. ರಾಜ್-ಲೀಲಾವತಿ ಜೋಡಿಯ ಮೇಲೆ ಚಿತ್ರತವಾದ ಹಾಡು.

೪) ಮೆಲ್ಲುಸಿರೆ ಸವಿಗಾನ, ಚಿತ್ರ : ವೀರಕೇಸರಿ, ಸಂಗೀತ ಮತ್ತು ಗಾಯನ : ಘಂಟಸಾಲ, ರಚನೆ : ಕು. ರಾ. ಸೀತಾರಾಮಶಾಸ್ತ್ರಿ, ಸಹಗಾಯಕಿ : ಪಿ. ಲೀಲಾ

ಕನ್ನಡದಲ್ಲಿ ಬಂದ ಸರ್ವಶ್ರೇಷ್ಟ ಯುಗಳ ಗೀತೆಗಳಲ್ಲಿ ಒಂದು. ಇದು ಸದಾಕಾಲ ಕಾಡುವ haunting melody ಎಂದರೆ ತಪ್ಪಾಗಲಾರದು. ಘಂಟಸಾಲ ಅವರ ಸಂಗೀತದಲ್ಲಿ ಬಂದ ಬಹು ಜನಪ್ರಿಯ ಮತ್ತು ಶ್ರೇಷ್ಟ ಮಟ್ಟದ ಗೀತೆ. ಮತ್ತೊಮ್ಮೆ ರಾಜ್-ಲೀಲಾವತಿ ಜೋಡಿಯನ್ನು ಜನಪ್ರಿಯಗೊಳಿಸಿದ ಗೀತೆ. ಈ ಹಾಡುನ್ನು ಕೇಳಿಲ್ಲವೇ ? – ತಕ್ಷಣ ಕೇಳಿ, ಒಮ್ಮೆ ಕೇಳಿ ಮರೆಯುವ ಹಾಡು ಇದಲ್ಲ. ಈ ಹಾಡಿನಲ್ಲಿ ಬಳಕೆಯಾಗಿರುವ “ಪ್ರಿಯ” ಎನ್ನುವ ಪದದ ಮೋಡಿ ಅಪಾರ.

೫) ಶಿವ ಶಂಕರಿ, ಚಿತ್ರ : ಜಗದೇಕ ವೀರನ ಕಥೆ, ಸಂಗೀತ : ಪೆಂಡ್ಯಾಲ , ರಚನೆ : ಚಿ. ಸದಾಶಿವಯ್ಯ

ತೆಲುಗು ಚಿತ್ರವನ್ನು ಕನ್ನಡದಲ್ಲಿ ಡಬ್ ಮಾಡುತ್ತಿದ್ದ ಕಾಲದಲ್ಲಿ ಬಂದ ಚಿತ್ರ. ಡಬ್ಬಿಂಗ ಚಿತ್ರವಾದರೂ ಕಲಾವಿದರ ಶ್ರಮ ಎಲ್ಲ ಕಡೆ ಇರಲೇಬೇಕಲ್ಲವೇ. ಶಾಸ್ತೀಯ ಶೈಲಿಯ ಈ ಗೀತೆಯಲ್ಲಿ ಘಂಟಸಾಲ ಅವರ ಅಪರಿಮಿತ ಙಾನದ ಪರಿಚಯವಾಗುತ್ತದೆ. ಈ ಹಾಡಿನ ಆಲಾಪನೆಯಲ್ಲಿನ ಏರಿಳಿತ ಕೇಳಿಯೇ ಸವಿಯಬೇಕು. ಈ ಹಾಡು ಬಬ್ರುವಾಹದ “ಆರಾಧಿಸುವೆ” ಹಾಡಿಗೆ ಸ್ಫೂರ್ತಿ ಎಂದರೆ ತಪ್ಪಾಗಲಾರದು.

೬) ಮದುವೆ ಮಾಡಿಕೊಂಡು, ಚಿತ್ರ : ಮದುವೆ ಮಾಡಿ ನೋಡು, ಸಂಗೀತ ಮತ್ತು ಗಾಯನ : ಘಂಟಸಾಲ, ರಚನೆ : ಹುಣಸೂರು ಕೃಷ್ಣಮೂರ್ತಿ

ವಿವಾಹನಂತರದ ಬಾಳನ್ನು ನವಿರಾಗಿ ವಿವರಿಸುವ ಈ ಗೀತೆಯಲ್ಲಿ ಹಾಸ್ಯದ ರಸ ಮಿಶ್ರಿತವಾಗಿದೆ. ರಾಜ್-ಲೀಲಾವತಿ ಜೋಡಿಯ ಮೇಲೆ ಚಿತ್ರತವಾದ ಹಾಡು.

೭) ಬಾಳೊಂದು ನಂದನ, ಚಿತ್ರ : ಜೇನು ಗೂಡು, ಸಂಗೀತ :ವಿಜಯ ಕೃಷ್ಣಮೂರ್ತಿ , ರಚನೆ : ಕು. ರಾ. ಸೀತಾರಾಮಶಾಸ್ತ್ರಿ

ಜೇನು ಗೂಡು ಚಿತ್ರದಲ್ಲಿ ಅನೇಕ ಸುಂದರ ಗೀತೆಗಳಿದ್ದರೂ ಈ ಶೋಕ ಗೀತೆಯ ಪ್ರಭಾವ ಬಹಳ ಘಾಡವಾದದ್ದು. ಘಂಟಸಾಲ ಹಾಡಿಗೆ ಜೀವ ತುಂಬಿದ್ದಾರೆ.

೮) ಈ ದೇಹದಿಂದ ದೂರನಾದೆ, ಚಿತ್ರ : ಓಹಿಲೇಶ್ವರ, ಸಂಗೀತ : ಜಿ, ಕೆ, ವೆಂಕಟೇಶ, ರಚನೆ : ವಿಜಯನಾರಸಿಂಹ

ರಾಜ್ ಚಿತ್ರರಂಗ ಪ್ರವೇಶಿಸಿ ಭಕ್ತಿ ಪ್ರಧಾನ ಚಿತ್ರಗಳಲ್ಲಿ ಮಿಂಚುತ್ತಿದ್ದ ಸಮಯದಲ್ಲಿ ಅವರಿಗಿ ವಿಶೇಷ ಮನ್ನಣೆ ತಂದು ಕೊಟ್ಟ ಚಿತ್ರ. ಈ ಚಿತ್ರದ ಮತ್ತೊಂದು ಹಾಡು “ದೇವ ದರುಷನವ ನೀಡೆಯ” ಕೂಡ ಘಂಟಸಾಲ ಅವರ ದನಿಯಲ್ಲಿ ಬಂದ ಜನಪ್ರಿಯ ಗೀತೆ.

೯) ಏನೋ ಎಂತೋ, ಚಿತ್ರ : ಅಮರಶಿಲ್ಪಿ ಜಕಣಾಚಾರಿ, ಸಂಗೀತ : ರಾಜೇಶ್ವರ ರಾವ, ರಚನೆ : ಚಿ. ಸದಾಶಿವಯ್ಯ, ಸಹಗಾಯಕಿ : ಪಿ. ಸುಶೀಲ

ಕನ್ನಡದ ಮೊದಲ ವರ್ಣ ಚಿತ್ರದಲ್ಲಿನ ಯುಗಳ ಗೀತೆ. ಅನೇಕ ಸುಮಧುರ ಗೀತೆಗಳ ಮಧ್ಯೆ ಘಂಟಸಾಲ ಅವರ ಯುಗಳ ಕಂಠದ ಈ ಹಾಡು ತನ್ನ ವಿಶೇಷ ಛಾಪನ್ನು ಹೊಂದಿದೆ.

೧೦) ವಿದಿ ವಿಪರೀತ, ಚಿತ್ರ : ಸತ್ಯ ಹರಿಶ್ಚಂದ್ರ , ಸಂಗೀತ : ಪೆಂಡ್ಯಾಲ , ರಚನೆ : ಹುಣಸೂರು ಕೃಷ್ಣಮೂರ್ತಿ, ಸಹಗಾಯಕಿ : ಪಿ. ಲೀಲಾ

ಹರಿಶ್ಚಂದ್ರ ಸತ್ಯವನ್ನು ಎತ್ತಿ ಹಿಡಿಯಲು ತನ್ನ ಹೆಂಡತಿ-ಮಗನನ್ನು ಮಾರಿ ತಾನೂ ಸ್ಮಶಾಣ ಕಾಯುವ ಕಾಯಕದಲ್ಲಿ ತೊಡಗುತ್ತಾನೆ. ತನ್ನ ಮಗನ ಅಂತ್ಯ ಸಂಸ್ಕಾರವನ್ನು ಮಾಡಲಾಗದೆ ನೊಂದು-ಬೆಂದು ತೊಳಲಾಡುವಾಗ ಬರುವ ಗೀತೆ. ಬಹಳ ಜನಮನ್ನಣೆಗಳಿಸಿದ ಚಿತ್ರದಲ್ಲಿ ಘಂಟಸಾಲ ಅವರ ಕಾಣಿಕೆಯನ್ನು ಮರಿಯುವಂತಿಲ್ಲ.

೧) ಶಾರದೆ ದಯೆ ತೊರಿದೆ, ಚಿತ್ರ : ಮಲಯ ಮಾರುತ, ಸಂಗೀತ : ವಿಜಯಭಾಸ್ಕರ್, ಗಾಯನ : ಎಸ.ಪಿ.ಬಿ / ಯೇಸುದಾಸ

ಈ ಹಾಡನ್ನು ಒಮ್ಮೆ ಎಸ.ಪಿ.ಬಿ ಮತ್ತೊಮ್ಮೆ ಯೇಸುದಾಸ ಅವರ ಕಂಠದಲ್ಲಿ ಕೇಳಬಹುದು. ತನ್ನ ಸಂಗೀತ ಸಾಧನೆಗೆ ದಾರಿ ತೋರಿದ ತಾಯಿ ಶಾರದಾಂಬೆಗೆ ಗಾಯಕನ ಗೀತ ನಮನ. ಭಕ್ತಿ ಗೀತೆಗಳ ಬಗ್ಗೆ ವಿಶೇಷ ಪ್ರೀತಿ ಇದ್ದ ಚಿ. ಉದಯಶಂಕರ್ ಅವರ ರಚನೆಯ ಭಕ್ತಿರಸ ಸೂಸುವ ಗೀತೆ.

ಎರಡೂ ಗಾಯಕರ ಹಾಡುಗಳನ್ನು ಇಲ್ಲಿ ಕೇಳಬಹುದು.

http://www.raaga.com/channels/kannada/moviedetail.asp?mid=K0000480

೨) ಒಲಿದ ಜೀವ ಜೊತೆಯಲಿರಲು , ಚಿತ್ರ : ಬೆಂಕಿಯ ಬಲೆ , ಸಂಗೀತ : ರಾಜನ-ನಾಗೇಂದ್ರ , ಗಾಯನ : ಎಸ್. ಜಾನಕಿ , ಎಸ್. ಪಿ. ಬಿ ,

ಈ ಚಿತ್ರದಲ್ಲಿ ಎರಡು ಗೀತೆಗಳು ನನ್ನಲ್ಲಿ ಗೊಂದಲ ಮೂಡಿಸಿದವು - ಎರಡು ಅತ್ಯುತ್ತಮ ಗೀತೆಗಳು (ಇನ್ನೊಂದು ಬಿಸಿಲಾದರೇನು ಮಳೆಯಾದರೇನು). ಆದರೆ ಈ ಗೀತೆಯನ್ನು ಆಯ್ಕೆಮಾಡಲು ಕಾರ‍ಣ ನಾನಿಲ್ಲಿ ಹತ್ತು ಗೀತೆಗಳ ನಿರ್ಭಂಧ ಹಾಕಿರುವುದರಿಂದ). ಅನಂತ-ಲಕ್ಷಿ ಜೋಡಿಯ ಗೀತೆ. ಇಲ್ಲಿನ ಸ್ವರಗಳ ಆಲಾಪನೆ ಬಹಳ ಸುಂದರ. ಎಸ್. ಜಾನಕಿ , ಎಸ್. ಪಿ. ಬಿ ಯವರ ಕಂಠದಲ್ಲಿ ಮೂಡಿಬಂದ ಅತ್ಯುತ್ತಮ ಯುಗಳ ಗೀತೆಗಳಲ್ಲಿ ಇದೂ ಒಂದೂ.

೩) ಬಾನಲ್ಲೂ ನೀನೆ : ಬಯಲುದಾರಿ , ಸಂಗೀತ : ರಾಜನ-ನಾಗೇಂದ್ರ, ಗಾಯನ : ಎಸ್. ಜಾನಕಿ

ಚಿತ್ರದಲ್ಲಿ ಎರಡು ಬಾರಿ ಬರುವ ಗೀತೆ - ಒಮ್ಮೆ ನೋವಿನಲ್ಲಿ ಮತ್ತೊಮ್ಮೆ ನಲಿವಿನಲ್ಲಿ. ಇಂದು ಅರ್ಥವಿಲ್ಲದ ಗೀತೆಗಳ ಮಧ್ಯೆ ಕಳೆದುಹೋಗುತ್ತಿರುವ ಕನ್ನಡ ಚಿತ್ರರಂಗದಲ್ಲಿ ಈ ಗೀತೆ ಕೇಳಿದಾಗ ಈಗೇಕೆ ಇಂತಹ ಹಾಡುಗಳು ಬಹಳ ವಿರಳವಾಗಿದೆ ಎಂದು ಬೇಸರವಾಗದೇ ಇರದು.

೪) ಅರಳಿದ ಆಸೆ ಮಂಜಿನ ಹೂವಾಯ್ತು, ಚಿತ್ರ : ಸುಪ್ರಭಾತ, ಸಂಗೀತ : ರಾಜನ-ನಾಗೇಂದ್ರ , ಗಾಯನ : ಎಸ್. ಜಾನಕಿ , ಎಸ್. ಪಿ. ಬಿ

ಇದೇ ಚಿತ್ರದಲ್ಲಿ ಚಿ. ಉದಯಶಂಕರ್ ಅವರ ರಚನೆಯ ಹಲವು ಗೀತೆಗಳಿದ್ದರೂ - “ನನ್ನ ಹಾಡು ನನ್ನದು“, “ಈ ಹೃದಯ ಹಾಡಿದೆ” , ಈ ಶೋಕ ಗೀತೆಯ ಸಾಹಿತ್ಯ ಇದರ ಆಯ್ಕೆಗೆ ಕಾರಣವಾಗಿದೆ. ದುಃಖ ತುಂಬಿದ ಮನಸ್ಸಿನ ತೊಯ್ದಾಟವನ್ನು ಬಿಂಬಿಸುವ ಸುಮಧುರ ಗೀತೆ. ಚಿ. ಉದಯಶಂಕರ್ ಅವರ ವೈವಿಧ್ಯತೆಗೆ ಸಾಕ್ಷಿ.

೫) ನಿನ್ನ ನೀನು ಮರೆತರೇನು ಸುಖವಿದೆ, ಚಿತ್ರ : ದೇವರ ಕಣ್ಣು, ಸಂಗೀತ : ಟಿ.ಜಿ.ಲಿಂಗಪ್ಪ , ಗಾಯನ : ಎಸ್. ಪಿ. ಬಿ

ಚಿತ್ರದ ಸಂದರ್ಭವನ್ನು ಬದಿಗಿಟ್ಟು ಈ ಗೀತೆ ಕೇಳಿ - ನಿನ್ನ ನೀನು ಮರೆತರೇನು ಸುಖವಿದೆ, ತನ್ನ ತನವ ತೊರೆದರೇನು ಸೊಗಸಿದೆ. ಸದ್ಯದ ಅನುಕರಣೆಯ ಓಟದಲ್ಲಿ ನಾವು ಸದಾ ಮನದಲ್ಲಿಟ್ಟುಕೊಳ್ಳಬೇಕಾದ ಸಾಲುಗಳು. ಇದರ ಜೊತೆಗೆ ಈ ಹಾಡಿನಲ್ಲಿ ಬರುವ ಆಲಾಪನೆಯಲ್ಲಿ ಎಸ್. ಪಿ. ಬಿ ಅವರ ಕಂಠ ಅದ್ಭುತ.

೬) ದೊಡ್ಡವರೆಲ್ಲ ಜಾಣರಲ್ಲಿ, ಚಿತ್ರ : ಗುರು ಶಿಷ್ಯರು, ಸಂಗೀತ : ಕೆ.ವಿ.ಮಹದೇವನ್ , ಗಾಯನ : ಎಸ್. ಪಿ. ಬಿ ಮತ್ತು ಸಂಗಡಿಗರು

“ದೊಡ್ಡ ಮನುಷ್ಯರು ದೊಡ್ಡವರಲ್ಲ“, “ಗೂಬೆಯ ಯಾರು ಸಾಕುವುದಿಲ್ಲ“, “ಅರಗಿಳಿ ನೀರಲ್ಲಿ ಈಜುವುದಿಲ್ಲ” ಹೀಗೆ ಹಾಸ್ಯರಸ ಉಕ್ಕಿಸುವ ಸಾಹಿತ್ಯವೇ ಈ ಹಾಡು ಈಗಲೂ ಜಪಪ್ರಿಯವಾಗಿರಲು ಕಾರಣ. ಮಕ್ಕಳಿಂದ ಹಿಡಿದು ಹಿರಿಯರವರೆಗೂ ಎಲ್ಲರಿಗೂ ಮೆಚ್ಚಿಗೆಯಾಗಿರುವ Evergreen ಗೀತೆ.

೭) ಮರೆಯದಿರು ಅ ಶಕ್ತಿಯ, ಚಿತ್ರ : ಪಿತಾಮಹ, ಸಂಗೀತ : ಉಪೇಂದ್ರಕುಮಾರ್- ಎಂ.ರಂಗರಾವ , ಗಾಯನ : ಯೇಸುದಾಸ

ಮನುಷ್ಯ ತನ್ನ ಅಂತರಾಳದ ಅಂಕೆಯನ್ನು ಮೀರಿ ನಡೆಯಬಾರದು , ಇಲ್ಲಿ ಅಗೋಚರ ಶಕ್ತಿಯನ್ನು ವಿಧಿ,ಹರಿ,ಹರ ಏನು ಬೇಕಾದರು ಅನ್ನಬಹುದು , ಈ ಶಕ್ತಿಯ ಕೈಯಲ್ಲಿನ ಸೂತ್ರದ ಗೊಂಬೆಗಳು ನಾವು ಎನ್ನುವ ಸಂದೇಶ ಸಾರುವ ಗೀತೆ.

೮) ಆಕಾಶ ದೀಪವು ನೀನು, ಚಿತ್ರ : ಪಾವನ ಗಂಗಾ, ಸಂಗೀತ : ರಾಜನ-ನಾಗೇಂದ್ರ , ಗಾಯನ : ಎಸ್. ಜಾನಕಿ , ಎಸ್. ಪಿ. ಬಿ

“ಮೊದಲನೆ ದಿನವೆ ಒಲಿದೆ ನಿನ್ನ ನಡಗೆ “, “ಹೊವೊಂದು ಬೇಕು ಬಳ್ಳಿಗೆ” ಹೀಗೆ ಸುಮಧುರ ಹಾಡುಗಳಿಂದ ಕೂಡಿದ ಈ ಚಿತ್ರದಲ್ಲಿ ಈ ಗೀತೆ ತನ್ನ ವಿಶೇಷ ಸಾಹಿತ್ಯದಿಂದ ಹಚ್ಚ ಹಸಿರಾಗಿದೆ. “ಕಂಡಂದೆ ಕುಣಿಯಿತು ಮನವು“,”ಅನುರಾಗ ಮೂಡಿದ ಮೇಲೆ ನೂರಾರು ಬಯಕೆಯ ಮಾಲೆ” , “ಸಂಗಾತಿಯಾದರೆ ನೀನು ನಾನುಳಿವೆನು” = ಹೀಗೆ ಸದಾ ಕಾಡುವ ಸಾಲುಗಳಿಂದ ಕೂಡಿದ ಗೀತೆ.

೯) ಮನೆಯನು ಬೆಳಗಿದೆ ಇಂದು , ಚಿತ್ರ : ಚಂದನದ ಗೊಂಬೆ , ಸಂಗೀತ : ರಾಜನ-ನಾಗೇಂದ್ರ ,ಗಾಯನ : ಎಸ್. ಜಾನಕಿ , ಎಸ್. ಪಿ. ಬಿ

ಮತ್ತೊಮ್ಮೆ ಅದೇ ಗೊಂದಲ - ಈ ಬಿಂಕ ಬಿಡು ಬಿಡು ಕೂಡ ಇದೇ ಚಿತ್ರದ ಇನ್ನೊಂದು ಸುಂದರ ಗೀತೆ. ಸುಂದರ ಸಂಸಾರದ ಚಿತ್ರಣವನ್ನು ಉದಯಶಂಕರ ಮತ್ತು ರಾಜನ-ನಾಗೇಂದ್ರ ಎಂದೂ ಮರೆಯದ ಹಾಡಾಗಿಸಿದ್ದಾರೆ. ಈ ಹಾಡಿನಲ್ಲಿ ಬರುವ humming ಬಹಳವಾಗಿ ಆಕರ್ಷಿಸುತ್ತದೆ. ಮತ್ತೊಮ್ಮೆ ಅನಂತ-ಲಕ್ಷಿ ಜೋಡಿಯ ಗೀತೆ.

೧೦) ಸಪ್ತಪದಿ, ಚಿತ್ರ : ಸಪ್ತ ಪದಿ, ಸಂಗೀತ : ಉಪೇಂದ್ರಕುಮಾರ್, ಗಾಯನ : ಡಾ.ರಾಜಕುಮಾರ್

ಸಪ್ತಪದಿಯ ಅರ್ಥವನ್ನು ಸರಳವಾಗಿ ವಿವರಿಸುವ ಗೀತೆ. ಪ್ರತಿಯೊಂದು ಹೆಜ್ಜೆಯ ಮಹತ್ವವನ್ನು ಬಿಂಬಿಸುವ ಗೀತೆ. ಮದುವೆಯಾದರು ಸಪ್ತಪದಿಯ ಅರ್ಥ ತಿಳಿಯದವರು ಬಹಳ ಜನರಿದ್ದಾರೆ. ಅವರು ಈ ಹಾಡನ್ನು ಒಮ್ಮೆ ಕೇಳಿದರೆ ಸಾಕು.