ಮಹಾ ಮೂವಿ “ಮನಸಾರೆ” ತೆರೆಗೆ!

Published on September 23, 2009 by Akumar · No Comments

ಗಾಂಧೀನಗರ ಈ ವಾರ

ಸೆಪ್ಟೆಂಬರ್ 25 ರಿಂದ ಅಕ್ಟೋಬರ್ 1ರವರೆಗೆ

2009ರ ಅತಿ ನಿರೀಕ್ಷಿತ ಚಿತ್ರ ಮನಸಾರೆ ಈ ವಾರ ತೆರೆಗೆ

Manasaare1

2006/2007 ರಲ್ಲಿ ಮುಂಗಾರು ಮಳೆಯಲ್ಲಿ ಕನ್ನಡ ಚಿತ್ರರಂಗವನ್ನು ತೋಯಿಸಿ, 2008ರಲ್ಲಿ ಗಾಳಿಪಟ ಹಾರಿಸಿದ್ದ ಕನ್ನಡದ ಅತ್ಯಂತ ಬೇಡಿಕೆಯ ಸ್ಟಾರ್ ನಿರ್ದೇಶಕ ಯೋಗರಾಜ್ ಭಟ್ಟರ ನಿರ್ದೇಶನದ ಮನಸಾರೆ ಈ ವಾರ ರಾಜ್ಯಾದ್ಯಂತ ತೆರೆಕಾಣುತ್ತಿದೆ. ಗೋಲ್ಡನ್ ಸ್ಟಾರ್ ಗಣೇಶನ ಬದಲಿಗೆ ಈ ಬಾರಿ ಭಟ್ಟರ ಗರಡಿಗೆ ದಿಗಂತ್ ಬಂದಿದ್ದಾನೆ. ನಾಯಕಿಯಾಗಿ ಆಂದ್ರಿತಾ ರೇ ಅಭಿನಯಿಸಿರುವ ಚಿತ್ರದ ಸಂಗೀತ ನಿರ್ದೇಶಕರು ಮುಂಗಾರು ಮಳೆಯ ಮಾಂತ್ರಿಕ ಮನೋ ಮೂರ್ತಿ!

ಸೋನು ನಿಗಂ ಹಾಡಿರುವ “ಎಲ್ಲೋ ಮಳೆಯಾಗಿದೆ ಇಂದು” ಈಗಾಗಲೇ ಅತ್ಯಂತ ಜನಪ್ರಿಯವಾಗಿದ್ದು ಮತ್ತೊಂದು ಅನಿಸುತಿದೆ ಯಾಕೋ ಇಂದು ಆಗುವ ಎಲ್ಲ ಸಾಧ್ಯತೆಗಳಿವೆ. ಜೊತೆಗೆ ಶ್ರೇಯಾ ಗೋಶಾಲ್ ಹಾಡಿರುವ “ನಾ ನಗುವ ಮೊದಲೇನೆ“, “ಕಣ್ಣ ಹನಿ” ಹಾಡುಗಳು ಕೂಡ ಕೇಳುಗರ ಮನ ಸೆಳೆದಿದ್ದು ಚಿತ್ರ ಯಾವಾಗ ತೆರೆಗೆ ಬರುವುದೋ ಎಂದು ಜನ ಕಾಯುವಂತೆ ಮಾಡಿದ್ದವು. ಅವರ ಕಾಯುವಿಕೆ ಈ ವಾರ ಕೊನೆಗಾಣಲಿದೆ! ಮನಸಾರೆ ನಿಮ್ಮ ಮುಂದೆ ಬರಲಿದೆ…