ಬುದ್ಧಿವಂತ, ಪಟ್ರೆ ಲವ್ಸ್ ಪದ್ಮ ಬೆಳ್ಳಿತೆರೆಗೆ

ಈ ವಾರ ಗಾಂಧೀನಗರದಲ್ಲಿ ಎರಡು ಬಹು ನಿರೀಕ್ಷಿತ ಚಿತ್ರಗಳು ತೆರೆಕಾಣುತ್ತಿವೆ.  ಮೊದಲನೆಯದು  ಉಪೇಂದ್ರ  ಐವರು ನಾಯಕಿರರೊಡನೆ ಹೊಸ ಗೆಟ್ ಅಪ್ ಹಳಲ್ಲಿ ಕಾಣಿಸಿಕೊಂಡಿರುವ "ಬುದ್ಧಿವಂತ" ಚಿತ್ರ. ತಮಿಳಿನ ನಾನ್ ಅವನ್ ಅಲ್ಲೈ ಚಿತ್ರದ ಕನ್ನಡ ಅವತರಣಿಕೆಯಾದ ಈ ಚಿತ್ರ ಈಗಾಗಲೇ ಹಲವಾರು ಕಾರಣಗಳಿಂದಾಗಿ ನಿರೀಕ್ಷೆ ಹುಟ್ಟುಹಾಕಿದೆ. ಎಸ್.ವಿ.ರಾಜೇಂದ್ರ ಸಿಂಗ್ ಬಾಬು ಮತ್ತು ಎ. ಮೋಹನ್ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಚಿತ್ರದ ಪ್ರಚಾರಕ್ಕೆ ಹೊಸ ಹೊಸ ಮಾರ್ಗಗಳನ್ನು ಅನುಸರಿಸಲಾಗುತ್ತಿದ್ದೆ. ಬಸವನ ಗುಡಿಯನ್ಯಾಷನಲ್ ಕಾಲೇಜಿನಿಂದ ಮುಖ್ಯ ಚಿತ್ರಮಂದಿರವಾದ ನರ್ತಕಿಯವರೆಗೆ ಮೆರವಣಿಗೆ ಹೋಗುವುದು, ಮತ್ತುಮಂದಿರ ಮಸೀದಿ, ಚರ್ಚ್ ಗಳ ಮಧ್ಯೆ ಉಪೇಂದ್ರ ಕುಳಿತು ಧ್ಯಾನ ಮಾಡುವ ವಿಶೇಷ ಸೆಟ್‍ಗಳನ್ನು ಪ್ರಮುಖ ಚಿತ್ರಮಂದಿರಗಳ ಎದುರು ಹಾಕುವುದು ಇವೆಲ್ಲ ಜನರನ್ನು  ಚಿತ್ರನಿರ್ಮಾಪಕರ ಹೊಸ ಆವಿಷ್ಕಾರಗಳು.

ಚಿತ್ರದಲ್ಲಿ ಏಳು ಹಾಡುಗಳಿದ್ದು ಅವುಗಳಲ್ಲಿ ಕೆಲವು ಹಾಡುಗಳು ಈಗಾಗಲೇ ಜನಪ್ರಿಯವಾಗಿವೆ. "ಸೊಸೆ ತಂದ ಸೌಭಾಗ್ಯ" ಚಿತ್ರದ ಪಿಬಿಎಸ್ ಹಾಡಿರುವ ರವಿವರ್ಮನ ಕುಂಚದ ಹಾಡನ್ನು ಹರಿಹರನ್ ಕಂಠದಲ್ಲಿ ರೀಮಿಕ್ಸ್ ಮಾಡಿದ್ದು ಆ ಹಾಡು ಭಾರೀ ಯಶಸ್ವಿಯಾಗಿದೆ.

ತಾರಾಗಣ: ಉಪೇಂದ್ರ, ಪೂಜಾ ಗಾಂಧಿ, ನೇತಾನ್ಯ ಸಿಂಗ್, ಸಲೋನಿ, ಸುಮನ್ ರಂಗನಾಥ್ 

ಸಂಗೀತ:ವಿಜಯ್ ಅಂತೋನಿ

ನಿರ್ಮಾಪಕರು: ಎಸ್.ವಿ.ರಾಜೇಂದ್ರ ಸಿಂಗ್ ಬಾಬು, ಎ.ಮೋಹನ್

ನಿರ್ದೇಶನ: ರಾಮನಾಥ್ ಋಗ್ವೇದಿ